بالفيديو: محمود عبد العزيز يحضر أحداث تفجير الكنيستين رغم وفاته

لم يمنع الموت مشاركة الفنان الراحل محمود عبد العزيز بالتعليق على الأحداث الإرهابية التي وقعت صباح أمس أثناء الاحتفال بـ »أحد السعف«، في كنيستي طنطا والإسكندرية وراح ضحيتها العديد من الشهداء من الأقباط والشرطة.

نشر المخرج محمد عبد العزيز نجل الفنان الراحل محمود عبد العزيز فيديو لمشهد من أعمال والده «باب الخلق»، على صفحته الرسمية على موقع التواصل الاجتماعي «انستجرام» تزامناً مع الأحداث التي وقعت أمس بمثابة تعليق من والده على أحداث مشابهة في مسلسله جبل الحلال، معلقاً عليه بـ :" من أقوال أبويا.. ربنا يا أبني يستر على أيامكم.. أسألكم الفاتحة الدعاء لأبويا و لأمواتنا جميعا". 

قال عبد العزيز في الفيديو :" يا إخوانا فوقوا، يا عالم فوقوا، يا مصريين فوقوا، يا عالم .. حرام اللي بيحصل ده .. اللي بيحصل ده حرام .. يا إخوانا حرام عليكم .. كفاية .. أنتم مصريين ؟ .. أنتم مصريين أنتم .. انتم حضارة سبع آلاف سنة ؟ .. حضارة عمر ما مصري قتل مصري عشان خاطر اختلاف في عقيدة و لا في دين و لا في ملة .. اختلفنا في الجوع .. في القرف .. في حكم الحكام الظلمة .. لكن عمرنا ما قتلنا بعض عشان خاطر عقيدة ولا عشان خاطر دين .. حرام عليكوا .. فوقوا بقى .. فوقوا .. حد يقدر يقول لي دم مين ده ؟ .. مسلم و لا مسيحي ؟ هاه ؟ .. ليه بقينا بنكره بعض كده ؟ .. ليه بقينا بنزل في بعض كده ؟ .. ليه بقينا واقفين على بعض على الواحدة ؟ .. ليه يا إخوانا ؟ .. مافيش دين في الدنيا يا أخوانا قال كده .. حرام عليكوا بقى".

وأضاف : "يا عم مينا .. يا عم مينا احكي لهم .. احكي لهم الحارة دي كان شكلها ايه ؟ .. احكي لهم عن الجامع اللي في أول الشارع .. و الكنيسة اللي في الشارع اللي ورانا .. احكي لهم .. احكي لهم على الحروب .. الحروب اللي خضناها .. لما كنا بنقف في الخنادق جنب بعض .. مكانش حد بيسأل العسكري اللي جنبه أنت مسلم و لا مسيحي .. سبيل المياه اللي في أول الشارع ما بيسألش اللي بيشرب منه أنت مسلم و لا مسيحي .. رغيف العيش اللي بيطلع من الفرن ده مابيسألش اللي بيأكله أنت مسلم و لا مسيحي .. يا إخوانا فوقوا .. يا إخوانا فوقوا .. لا جوع و لا عدو و لا جن احمر ممكن يدمر البلد دي .. لكن اللي بيحصل ده .. ده اللي يدمرها .. في يوم هانتعرض كلنا أمام الواحد القهار، وهايسألنا على اللي عملناه في دنيتنا دي .. هانقابله أزاي و كل واحد فينا شايل دم أخوه على أيده ؟ .. بلدنا حلوة يا إخوانا .. حرام عليكوا يا إخوانا .. حبوها .. حبوها يا إخوانا .. حرام عليكوا يا إخوانا .. حرام عليكوا يا إخوانا .. حرام عليكوا يا إخوانا". 

يذكر أن مسلسل باب الخلق بطولة الفنان محمود عبد العزيز، وقصة وسيناريو وحوار محمد سليمان عبد المالك، فكرة العمل شادي مقار ومحمد محمود عبد العزيز، مدير التصوير رؤوف عبد العزيز، موسيقى تصويرية أمين بو حافة، إخراج عادل أديب.