محمد محمود عبد العزيز يوجه رسالة لوالده في أول رمضان بعد وفاته

محمود عبد العزيز وابنه محمد

محمد محمود عبد العزيز يوجه رسالة لوالده في أول رمضان بعد وفاته

السبت، 27 مايو 2017 - 01:14 م

وجه المُخرج محمد محمود عبد العزيز، رسالة لوالده الفنان الراحل محمود عبد العزيز، بنشر صورة تجمعهما على صفحته الرسمية على موقع التواصل الاجتماعي «انستجرام»، بمناسبة حلول شهر رمضان الكريم، ولكنه بدون محمود عبد العزيز، معلقاً عليها بت :" كل سنه و حضرتك طيب و بخير يا أبويا و صاحبي و اخويا و كل ما ليا، أول مرة في حياتي ما تكونش معايا و قدام عنيا طول المدة دي بس برضو كل سنه و حضرتك طيب لأني حاسس انك بخير و في مكان أحسن من اللي إحنا فيه بكتير".

وأضاف عبد العزيز :" عايز أهدي لحضرتك كل حاجه بعملها سواء إنتاج أو تمثيل أو أي حاجه كويسة ممكن اعملها و تبسطك، وأي خير بعمله أو بحاول أني اعمله زى ما حضرتك علمتني و السنة دي بهدي حضرتك صيامي و كل ركعة و كل حرف هاقرأه من المصحف الشريف إللي حضرتك ما كنتش بتسيبه، ربنا يتقبل منى و يقدرني و أبقى ربعك في أي حاجه.

ومن جانب آخر وجه رسالة لجمهوره لتهنئتهم بشهر رمضان الكريم قائلاً :" رمضان كريم.. كل سنه و حضرتكم جميعا بألف صحة و سلامه و خير وربنا يريح قلوبكم و يشفى كل مريض و يرجع كل بعيد و يصبر أي واحد موجوع و يهون علينا جميعا يا رب بحق الشهر الفضيل.. أسألكم الفاتحة والدعاء لأبويا و لأمواتنا جميعا".

يذكر أن توفي الفنان محمود عبد العزيز في يوم 12 نوفمبر 2016، بعد صراع مع المرض عن عمر يناهز 70 عاما في الساعة الثانية عشر، ودفن بمقابر أم جبيبة بالورديان بالقرب من منزله الذي تربى فيه.