أحمد السنوسي

الإثنين، 31 يوليه 2017 - 07:34 م

 عبر الشاعر بهاء الدين محمد عن استياءه الشديد من ما قلته الفنانة شيرين عبد الوهاب علي النجم عمرو دياب، ووجه  بهاء رسالة إلي شيرين عبر صفحته علي موقع التواصل الاجتماعي "فيس بوك" :

عزيزتي شيرين عبد الوهاب .. إنتي عارفه أنا باعزك قد إيه ودافعت عنك كنير .. وف نفس المكان اللي دافعت عنك فيه لحظة خلافك مع الفنان الملحن عمرو مصطفي. لازم دلوقت أقولك .. لأ .. وكفاية.. وصمت .. !

لأن عمرو دياب كيان كبير ومن الصعب تكراره .. ده غير إنه واجهه لينا وللوطن العربي كله .. وحتي لو حصل خلاف معاه لازم يكون بشكل لائق وغير معلن ..!! لأننا بالفعل عمرنا ماسمعناه ولا شوفناه بيغلط ف حد أو زميل ده غير إن ماحدش فاهم ولا عارف هو عملك إيه ؟!! ودي المشكلة.. و انتي والكل عارفين إني أكبر وأصدق من إني أجامل أو أنافق حد فيكم .. علشان كده لازم أقولك (( كفاية يا شيرين )) وخلي بالك وماتخسريش جماهيره اللي تجاوزت 90 % من المجتمع العربي ويمكن أكتر .. والمطلوب منك الصمت لأن الوقت مش وقت اعتذار.

#إعتذار_لعمرو_وجماهيره