انتهت مباراة الشوط الثاني والمباراة بفوز المنتخب المصري، على نظيره الأوغندي، بهدف مقابل لا شىء أحرزه محمد صلاح، في التصفيات المؤهلة لكأس العالم بروسيا 2018.

ولم يحرم المعلق مدحت شلبي جمهوره من إفيهات جديدة من خلال تعليقه على المباراة، والتي سرعان ما تحولت إلى مادة للكوميكس بين مستخدمي مواقع التواصل الاجتماعي.

وترصد "بوابة أخبار اليوم" أبرز إفيهات مدحت شلبي في مباراة منتخب مصر وأوغندا:

- ميشو قعد 6 شهور مبيقبضش ومشي.

- أوعوا تخلونا نتخض الله يخليكو.

- آه لو لعبت يا زهر هنلعب آخر كلام.

- العبو يا رجالة دنتوا تقدروا تقسموا عليهم على واحدة ونص.

- الحكم زي مايكون بيصفر بفلوس.

- لو الحكم صفر مرة هيدفع جنيه.

- أوغندا حاطه حجاب على الجون.

- صلاح طلع الزبون لبرة وحطها في البعيدة.

- عايزين نعدي الليلة ونتكلم براحتنا.

- أوعوا تدوهم فرصة يتنططوا علينا.

- اللاعب أبو ضفيرة ده اسمه واسا.

- يا جمالك يا حلاوتك يا دلالك يا طعامتك يا صلاح.

- الأولة في الغرام يا صلاح.

- صلاح قاله كفاية عليك مرة والتانية إدهله في الوريد.

- نهارنا أبيض ان شاء الله.

- رمضان بيكلفت أي باك بيلعب عليه.

- أوغندا مش الدبة الباندا

- أدوا لصلاح بوكس بتاع ملاكمين الماتش اللي فات.

- خايف يطلع واحد كولشنكان ينقر الكورة نقرة ملهاش لازمة.

- على مهلك يا ربيعة ده مش قدك يابني.