الثلاثاء، 03 أبريل 2018 - 12:08 ص

نعى الكاتب بلال فضل، الأديب والكاتب أحمد خالد توفيق، الذي رحل عن عالمنا مساء أمس الاثنين 2 إبريل، بعد تعرضه لأزمة قلبية مفاجئة.

وكتب «فضل» رسالة إلى الراحل، عبر حسابه على موقع «فيسبوك»، نصها: «سأفتقدك يا دكترة.. شكراً على كتابتك الجميلة الملهمة، شكراً على كلماتك الطيبة عني في أوقات صعبة، شكراً على مواقفك الشجاعة وعلى احترامك لنفسك وللكتابة وثباتك على مبادئك وإنسانيتك حتى آخر لحظة».

وأضاف: «نسيت أقولك إن بنتي الكبيرة كانت عايزة أي نسخة من كتبك بتوقيعك، وإنها انبهرت لما قلت لها إن احنا صحاب، وعشان أثبت لها وريتها الحوار بتاعنا في عصير الكتب، بس اتكسفت أطلب منك الكتاب عشان صديق قالي إنك كنت تعبان، وقلت إنها شدة وهتزول زي اللي قبلها، وهنرجع نحكي ونتريق ونتكلم عن الكتب في مكالماتنا القليلة وإيميلاتنا الكثيرة، بالإضافة إلى كل ما أنا ممتن ليك بيه، هافضل ممتن ليك كتير على إنك ساعدتني أخليها تقرا كتابة جميلة من غير نصايح ولا مواعظ، زي ما عملت ده مع ملايين قبلها وهتعمله مع ملايين بعدها، وكلهم هيدعوا لك دايماً بالرحمة والسعادة الأبدية اللي تستحقها روحك الطيبة..ألف رحمة ونور عليك».