الإثنين، 30 أبريل 2018 - 12:32 م

«ليه بنحب صلاح».. هاشتاج تجمع به محبو «الفرعون المصري» اللاعب محمد صلاح المحترف في فريق ليفربول الإنجليزي، لكي يعبرون من خلاله عن حبهم له أمام العالم تضامناً معه بعد أزمته مع إتحاد الكرة بسبب طائرة المنتخب المصري. 

بدأ  الهاشتاج في تصدر قائمة البحث على موقع التواصل الاجتماعي «تويتر»، مدونين أكثر أسباب توافرت في محمد صلاح لزرع حبه في قلوب متابعيه قائلين :عشان بيدينا أمل في بكره -  أمل في التغير -  أمل في النجاح -  محرك للطاقة الإيجابية - مووو أيقونة النجاح".

وأضافوا آخرين :" ببساطة هو النقطة البيضة وسط الظلام اللي عايشين فيه - لأن هو الوجبة التحفيزية اللي بتبدأ بها يومنا - علشان أنت حاجه حلوة ربنا بعتها لنا تفرحنا في وقت مفيش فيه حاجه تفرح غيرك - لأنه متواضع ومش متكبر على حد وبينافس نجوم العالم، وكمان لأنه من قرية بسيطة فلهذه الأسباب نعشقه لأنه إنسان - لأنه راقي فنان - داخله نقي صافي - لأن صلاح هو شعاع النور في قلب العتمة إللي حولينا".

وكان وزير الشباب والرياضة المهندس خالد عبد العزيز قال إنه سيتواصل مع جميع الأطراف لحل أزمة نجم ليفربول ومنتخبنا محمد صلاح، مع إتحاد الكرة المصرية.

وكتب عبد العزيز عبر حسابه بـ«تويتر»: «سنتواصل مع جميع الأطراف لحل الأزمة.. خاصة وأن منتخب مصر يستعد للمشاركة في المونديال، بالإضافة إلى أن محمد صلاح نموذج للشباب المصري محب ومخلص لوطنه ويمثل بلده في أوروبا خير تمثيل.. #تحيا_مصر". 

حب صلاح ميتقلش ف تغريده حبك يا صلاح ف قلوب العالم اجمع يكفى من غير صلاح مكنش هيبق ف كاس عالم ولا طياره #ليه_بنحب_صلاح

— amr abokayed (@AAbokayed) April 30, 2018

#ليه_بنحب_صلاح
لانه ببساطه قدر يكون ناجح وسط الفشل،قدر يكون صالح وسط الفساد ،قدر يعمل الي كلنا مش قادرين نعمله وكمان هيألنا ان الموضوع سهل وبسيط.

— آسماء🌼 (@AsmaagamalAhme3) April 30, 2018

عشان هوا الحاجه الحلوه في البلد دي
هوا الورده🌷 اللي طلعت من وسط اكوام القش✋
هوا اللي ادانا امل من جديد اننا نحلم ويمكن حلمنا يتحقق يوما ما 😍
مثال لكل شاب مصري بطيبته وجدعنته والبسمة☺ اللي مبتفارقش وشه رغم كل الظروف🤗 #ليه_بنحب_صلاح

— Ñ❤ÃiŖÃ💕 (@NourGam09998528) April 30, 2018

#ليه_بنحب_صلاح
التواضع / اول ما بشوفه ببقا فخورة انى مصرية ❤️💜

— Raneem ELgohary (@Raneem_ELgohary) April 30, 2018

#ليه_بنحب_صلاح عشان واحد مننا #تاجر السعاده

— Amir Gomaa (@AmirGom12801970) April 30, 2018

#ليه_بنحب_صلاح لأنو شرف العرب 😁

— صامط (@Wsamet1992) April 30, 2018

#ليه_بنحب_صلاح
علشان عمرنا ما كنا نتخيل ان لاعب كرة قدم مصري يوصل للمرحلة دي من المهارة والاحتراف

— Basma♊Radwan🇪🇬🖋 (@lilotifo) April 30, 2018

#ليه_بنحب_صلاح
لازم احبه ... محبهوش ليه وهو مثل طيب
كفايه عليه انه فعال للخير هو حد يكره الخير

— Ragab Rsd (@RagabRsd) April 30, 2018

#ليه_بنحب_صلاح عشان هو الحاجةًالحلوة في مصر

— يوسف الرجال (@y1Ad44AH9opfbhj) April 30, 2018

#ليه_بنحب_صلاح خلوق مخلص مكافح

— Mahmoud Silem (@MahmoudSilem9) April 30, 2018

#ليه_بنحب_صلاح مصدر السعادة الوحيد في المرحلة الحالية للمصريين

— مصطفى الحلواني (@Halawanyy) April 30, 2018

#ليه_بنحب_صلاح
علشان الضحكه الحلوه دي
💓 pic.twitter.com/4e827Vsp7k

— Nada (@Nada6976) April 30, 2018