السبت، 02 يونيو 2018 - 02:43 م

هاجم الشاعر أمير طعيمة الفنان محمد رمضان بسبب فيديو نشره الأخير على صفحته بموقع انستجرام .

وكتب طعيمة عبر صفحته على موقع فيس بوك :

الأخ محمد رمضان نزل علي صفحته الموثقة في الانستجرام بوست و هو راكب عربية فيراري في بيته، بيقول فيه: الحمد لله على اعلى نسبة مشاهدة لنسرالصعيد ( إياك تفكر تسبق الفيراري) ثقة في الله نجاح ولا عزاء للأغبياء.

وتابع طعيمة : في إهانة واضحة و مباشرة لكل من شارك في الموسم الرمضاني الحالي، تخيل الموسم ده شارك فيه عادل إمام و يحي الفخراني، و غيرهم ممن سبقوه و من هم من جيله و منهم من يفوقوه في الموهبة و في احترام زملائهم ، و كمان مشغل اغنية بتقول انه رقم واحد و كلام كتير لا يحمل اي احترام للمنافسين.

وأضاف طعيمة : أتمنى من أصدقائي الممثلين اللي هيقروا البوست ده او هيوصلهم انهم يمتنعوا عن مشاركة آل باتشينو الجيل في اعمال مستقبلية احتراما لأنفسهم و لجمهورهم حتي يعود لصوابه، و خاصة ان محمد رمضان عادة ما ينسب النجاح لنفسه فقط.

واستكمل تدوينته قائلًا : عزيزي محمد رمضان، عاصرت أحمد ذكي و محمود عبد العزيز و عادل امام و نور الشريف و أعرف عن قرب عمرو دياب و منير و غيرهم و غيرهم، و في حياتي ما شفتش فنان منهم قال علي نفسه رقم (١) إلا انت، أما فيلتك و عربياتك فعايز اقولك ان فنان زي عمرو دياب مثلا ممكن يشتري كل أملاكك دي بشغل سنة واحدة و عمرنا ما شفناه بيتباهي امام جمهوره بما يملك.

واختتم تدوينته قائلًا : نصيحة من شخص هتقرا ما كتبه و هيبقي عدوك و ده شيء لا يعنيني: من تواضع لله رفعه، احترم زمايلك و احترم ان فيه ناس بتحبك ممكن تكون بتنام من غير عشا و بطل الجو ده لأنه عيب و لا يمت للفن الحقيقي بصلة.

الحمد لله على اعلى نسبة مشاهدة ل #نسر_الصعيد ( إياك تفكر تسبق الفيراري😉) انتظروا الاغنية كاملة على قناتي ع اليوتيوب اللينك ع البايو 💣☝🏽#ثقة_في_الله_نجاح ولا عزاء للأغبياء 😜

A post shared by Mohamed Ramadan (@mohamedramadanws) on May 28, 2018 at 4:08am PDT