الإثنين، 09 يوليه 2018 - 02:50 م

اعتدى أهالي طفلة توفيت في حضانة بمستشفى بورفؤاد بمحافظة بورسعيد، على طاقم طبي، بعد وفاة الطفلة.

وأدان أحمد عليوة، أحد أطباء المستشفى، الواقعة، مضيفًا في تدوينة له على صفحته الشخصية بـ«فيس بوك»، أنه تم الإعتداء على زميله الدكتور ياسر سليمان، متابعًا: « الفريق الطبي بيتضرب في المستشفيات و لا حياة لمن تنادي !».

وعن حكاية وفاة الطفلة، قال «عليوة»: «القصه باختصار حالة حضانه و لفت بورسعيد كلها علي حضانات لغاية لما وصلت مستشفي بورفؤاد و الفريق الطبي عمل اللي عليه كله لان الحله للاسف كانت جاية شبة منتهية، والساعة ١١ حضر اهل الطفلة المتوافاة إلى المستشفى لاستلام جثة الطفله الله يرحمها، موظفة غلطت و هي بتكتب تصريح الدفن وقامت مقطعاه علشان تكتب واحد جديد، لكن ازاي و ازاي بقي تقطع الورقه و ازاي تغلط في الكتابة !».

واستطرد: «هاتك يا شتيمة وسب للموظفين والعاملين بالمستشفى من أهل الطفلة، خرجوهم بره أوضة المدير علشان يعملوا التصريح، وطبعا هما بيشتموا دكتور ياسر خرج يهديهم، ويقولهم البقاء لله، لكن ازاي يقول كده و هاتك يا شتيمة، غلط ورد عليه وقال له احترم نفسك، قام والد الطفلة بمعاونة أقاربه بالتعدي عليه بالبواني والأقدام وضربوه بزجاجة ماء بها ثلج في عينه اليمين التمريض وعمال المستشفى اتدخلوا و دخوله اوضه لكن الناس مسكتوش و راحوا برضه يحاولوا اقتحام الغرقة لمواصلة التعدي، باين في الفيديو».

وتابع: «طلبنوا النجدة و عملنا محضر، وإحنا خارجين رايحين القسم كانوا واقفين برضه عايزين يكملوا ضرب، وعملنا التقرير المرفق بالإصابات، ومحضر النجدة وراح القسم بقي علشان يجيب له حقه».

وطالب «عليوة» النقابة العامة للصيادلة واتحاد المهن الطبية ووزارة الصحة باستعادة حقوق الفريق الطبي المعتدي عليه.