الثلاثاء، 10 يوليه 2018 - 01:20 م

أحيت رشا سامي العدل الذكرى الثالثة لوفاة والدها الفنان الراحل، على صفحتها الخاصة على موقع التواصل الاجتماعي «فيسبوك»، بنشر صورة تجمع بينها وبينه، معلقة بقولها: «3 سنين النهاردة عدوا عليا من غيرك وأنا في حالة توهان». 

وأضافت «رشا»: «سنة ٩٦ كتبت لك جواب ووصلته لمكتبك لما كنت مخاصمني عمري ما هانساه، وصفت حالتي من غيرك من ٢٢ سنة، وهي هي نفس حالتي من غيرك بقالي ٣ سنين، شبهت نفسي بالوطواط اللي تاه ودخل أوضة مليانة نور واتقفلت عليه ففضل يتخبط في الحيطان ويقع ويقوم تاني يتخبط وهكذا تائه موجوع حزين».

وتابعت: «سيبتني بدري وما كنتش شبعت منك سيبتنى من غير ما تقول لي أعمل إيه في حياتي من بعدك، وأديني ماشية بخبط في جدران الحياة، وأقع وأقوم أتخبط، بدعي لك كتير أوى، واللي ربنا بيقدرني عليه بعمله، وبتمنى ربنا يتقبل منى علشانك أنت.. ربنا يرحمك ويحسن إليك». 

ووجهت من خلال صفحتها رسالة إلى محبي الفنان سامي العدل قائلة: «اللي كان بيحبه واللي بيحبوني أتمنى تلاقوا في وقتكم لحظة تقروا له الفاتحة أرجوكم ربنا يجعله في ميزان حسناتكم». 

يذكر أن الفنان سامي العدل توفي عن عمر يناهز 68 بعد صراع مع المرض في الساعات الأولى من يوم الجمعة 10 يوليو 2015، بالمركز الطبي العالمي، بسبب هبوط حاد في الدورة الدموية نتيجة ضعف في عضلة القلب.

واستدعت حالته الدخول إلى المستشفى لعدة أيام حتى وافته المنية، وقد شُيعت جنازته من مسجد آل رشدان بمدينة نصر عقب صلاة الجمعة، ثم دُفن بمدافن الأسرة.