الخميس، 30 أغسطس 2018 - 03:27 م

إيمانا منه بتشجيع ودعم المواهب الجديدة، يستعد الفنان تامر حسني لتقديم موهبة فنية جديدة لجمهوره خلال حفله في نادي الشمس.

وكان شاب لديه موهبة الغناء، يدعى إسلام حامد، قد استغل تحضير تامر حسني لحفله بنادي الشمس، أمس، وأصر على مقابلته، لتقديم نفسه إليه، وبالفعل أقنع تامر بأدائه، وأطرب الحاضرين بأغنية «بتغيب».

وبعد سماع أغنية  «بتغيب» للنجم تامر، كانت المفاجئة للشاب، فوعده تامر بتقديمه إلى جمهوره على المسرح في حفله اليوم.

ووجه الشاب إسلام حامد رسالة شكر لـ«تامر» عبر صفحته الشخصية على «فيس بوك»، قائلًا: «بشكر جدا ومن كل قلبي النجم العربي الكبير تامرحسنى على أنه أتاح ليا الفرصة فى انه يسمعني.. ومش بس كده لا ده فى منتهى التواضع اللي في الدنيا ودعمني وأخدت منه طاقة كبيرة وكلامه هيكون دافع ليا فى اللي جاى».

وأضاف: «تامر حسنى فعلا نجم الجيل بفنه واخلاقه وتواضعه انا مشفتش كده والله.. لما ربنا بيكرم حد وينجح مش من فراغ».

وتابع: «تامر نموذج حقيقي لحد بدأ من ولاحاجة لحد ما بقي كل حاجة ولسه متواضع وداعم المواهب اللي زي حالاتي.. كلامك شرف ليا يا استاذ تامر وان شاء الله هيجي اليوم اللي حلمي يتحقق وابقي جنبك علي المسرح.. وهنزل لحضراتكم الفيديوهات قريباُ.. دعواتكم ».

يذكر أن أخر أعمال نجم الجيل تامر حسنى، هو فيلم «البدلة» الذي تم عرضه في جميع دور العرض فى عيد الأضحى، وحقق أعلى إيرادات في السينما، وهو بطولة وفكرة تامر حسنى، تأليف أيمن بهجت قمر، إخراج محمد جمال العدل.