الجمعة، 30 نوفمبر 2018 - 03:36 م

حرصت الفنانة الشابة سارة عبد الرحمن على الظهور بإطلالة هادئة بحفل ختام مهرجان القاهرة السينمائي الدولي في دورته الـ40، والذي أقيم مساء أمس، بدار الأوبرا المصرية.

وقالت سارة عبد الرحمن عبر صفحتها بـ«الفيسبوك»: «من أكتر الحاجات الممتعة في شغلي هي فرصة إني أتعامل مع مصممين أزياء وستايليستس شاطرين للتعبير عن نفسي من خلال اللبس.. ‏بس حفل ختام مهرجان القاهرة اخترت إني ألبس فستان اشتريته من وكالة البلح "حتة الهدوم المستعملة" بـ٣٧٠ جنيه».

وأضافت: «تقليل الاستهلاك من الحاجات الشخصية اللي باقدر أعملها عشان أحافظ على البيئة.. يعني "بوزع" اللي مش باستخدمه، مابشتريش غير اللي محتاجاه ولو اشتريت.. اشتري مستعمل، مش حاجة متصنعة جديد اتصرف عليها فلوس كتير وصنّعها عمال في ظروف غير آدمية.. فيه فكرة كدة أن ممكن يُعتبر "عيب" مثلا أن الواحد يلبس حاجة مستعملة.. بس أنا حبيت اثبت (لنفسي أولا) أن من السهل إني ألاقي حاجة مستعملة لائقة للمناسبة و في نفس الوقت مستدامة/صديقة للبيئة.. بالتأكيد مش بقدر أعمل كدة طول الوقت زي ما بتمنى بس أهو أديني باخد خطوات صغيرة».