صورة نادرة لابراهيم سعدة
6 صور نادرة من حياة «الأستاذ» إبراهيم سعدة
الأربعاء، 12 ديسمبر 2018 - 11:31 م
نشرت نيفين ابنة الصحفي الكبير الأستاذ ابراهيم سعدة، صور نادرة تجمعه بأسرته على صفحتها الخاصة على موقع التواصل الاجتماعي «فيسبوك» بمناسبة عيد ميلاده الماضي.
علقت نيفين على الصور قائلة :" محدش بيختار أهله، بس انا لو كنت اختارت مش ممكن كنت اختار اب أطيب ولا احن من ابويا، ابويا ده الهدية اللي ربنا بعتهالي علشان يطبطب عليا و يخلي كل حاجة احلي. من صغري وهو اكبر حاجة في حياتي، هو الأب و الأخ و القدوة".
وأضافت نيفين : "اتعلمت منه حاجات كتير من غير مايقولها بس كنت باشوفها نظرته ليا كانت دايماً فيها حب و فخر يخليني احس أني مالكه الدنيا كلها، و كنت بخاف اوي ان نظرته ليا تتغير و علشان كده دايماً كنت بحاول أخليه فخور بيه و لو فكرت أغلط أقول لنفسي اوعي يا بت يا نيڤين علشان مش هاتقدري علي زعله".
وأشارت في منشورها : " البنت الصغيرة دلوعة بابها كبرت و فهمت اكتر مين هو ابراهيم سعدة. و عرفت اكتر قد أيه هي محظوظة. انا مش هاتكلم عليه ككاتب كبير و قلم من اهم الاقلام في الخمسين سنة اللي فاتت لان تاريخه معروف للكل و مهما قلت مش هاوفيه حقه. و كل لما الوقت بيعدي الناس بتعرف قيمته أكتر .. ساعات ناس تقولي انا فاكر مقال لباباكي من اكتر من عشرين سنة بس لسة مأثرة فيه و حد تاني يقولي المقال الفلاني غير طريقة تفكيري و غير حياتي.
الناس دي من سني و قروا المقالات دي و هما لسه في المدارس بس لسة فاكرينها. لما بسمع كدة ببقي طايره من السعادة و بيبقي نفسي هو كمان يسمع الكلام ده".
وأكدت في نهاية منشورها :" النهاردة بمناسبة عيد ميلاده لازم اشكره أني شايلة اسمه و أني دايماً راسي مرفوعة و بقول بكل فخر انا بنت الراجل العظيم ده. انا عايشة علي حسه و سيرته الطيبة. مش بس انا علي فكرة كمان ولادي عارفين مين هو جدهم و عارفين ان دي مسؤلية كبيرة. يا رب أشوفهم ربعك في يوم من الأيام".
الكلمات الدالة
الاخبار المرتبطة