الثلاثاء، 08 يناير 2019 - 11:36 ص

أكدت الإعلامية ريهام سعيد، أنه أصبح لدينا توجه عندما نرى شخصًا ناجحًا، نعمل على إفشال هذا النجاح.
 

وأضافت "سعيد"، خلال تقديمها برنامج "صبايا"، المُذاع عبر فضائية "الحياة"، «الفنانة شيرين مبتغلطش، شيرين فيها عيب إنها عفوية وبتقول اللي بييجي على لسانها وأكيد دا غلط، لكن إحنا ماسكين ليها على الواحدة».
 

وأوضحت: «الزميل تامر أمين عمل حملة لإيقاف الفنانة شيرين علشان تتمنع من الظهور في الحفلات، وفي وقت من الأوقات اتقال على تامر أمين إنه فلول وقعد في البيت وبعد كده اشتغل في قناة مش مصرية".

ووجهت كلامها لتامر أمين قائلة:" انت اضطًهدت جدا، وفضلت تدافع عن نفسك كتير، ومش حلو إننا نظلم حد، ونقعد نمسك السكين لبعض وخصوصًا إذا كنا في مجال واحد وعارفين إن نية شيرين مش وحشة».
 

واستكملت: «ليه يا تامر علشان أطلع ترند أو علشان فيديو ليا ينتشر أهاجم حد، وانت عندك مليون وحدة غير شيرين بتسيء لمصر، عندك واحدة تانية بتسيء بطريقتها وفيديوهاتها ولبسها وشكلها وكلامها وفيه مليون مثال ممكن يتقال».