تركي آل شيخ تركي آل شيخ

تعليق ناري من تركي آل شيخ على قرارات اجتماع الأهلي الطارئ

محمد عادل سالم الأحد، 10 فبراير 2019 - 08:24 م

علق المستشار تركي آل الشيخ رئيس الاتحاد العربي ومالك نادي بيراميدز، على قرارات النادي الأهلي في اجتماعه الطارئ الذي صدر من مجلس إدارة النادي الأحمر برئاسة محمود الخطيب.

وكتب آل الشيخ عبر صفحته الرسمية على فيسبوك: “هو ما شاء الله لسه فايقين أن فيه هجوم وإساءة ليكم من رئيس الاتحاد العربي ولا لما قلت في لقاء تلفزيوني من كام يوم إني بفكر استقيل من الاتحاد العربي.. فحبيتوا كالعادة تاخدوا اللقطة وتطلعوا أبطال قدام الجمهور وتلعبوا على نغمة إحنا اللي مشيناه”.

وأضاف: “وكمان مش دي البطولة اللي لعبت فيها كده مباراة قبل كده وطلعت ؟! وهوا أنت شاركت عشاني ولا عشان مصر وعشان الجايزة اللي بـ ٨ مليون دولار؟ .. وبعدين لما عرفتوا أن اتحاد الكورة حيأجل الماتش وده حق مشروع لبيراميدز روحتوا عاملين بطولة ومنزلينها في بيانكم وكأنه مخرج ليكم؟! عشان ميبانش أن اتحاد الكورة اخذ القرار العادل!“.

وتابع: “وكمان عاوز اسأل هوا ماتشنا معاكم كان من غير جمهور الدور الأول … يبقى من حقنا الماتش التاني يبقى بدون جمهور وده الحق الطبيعي اللي لينا … وأنا بسأل للمرة المليون وقدام الجمهور الآن فين قرار قبول الاستقالة من الرياسة الشرفية؟! ومين اللي خايف يواجه ؟ أنا اللي طالبت إن المتش يكون كأس وبنفس التاريخ واتبح صوتي من ١٠ أيام بكده … ومين اللي عاوز يأجل متش الزمالك؟”.

واستطرد: “بعدين أنا بستغرب … أخاف ليه وأنا فايز بـ ٢ .. وجون من السعيد وجون من أوفر من السعيد ؟ لاعب منتخب مصر اللي أتدفع قيمته ٣ مرات واللي بتحارب فيه واللي رميت بكل الذوق والمبادئ ورحت تشتكيه على الفيفا وعلى الأهلي السعودي اللي منه الأمير المرحوم عبدالله الفيصل الرئيس الفخري واللي فيه صالة باسمه في النادي!“.

واختتم: “أنا فهمت الفيلم اللي كنت بتعمله بس فهمته للأسف متأخر.. إن الهدف إحراق صورتي وكسب بطولة زايفة قدام الجمهور.. الله يرحمك يا صالح سليم!”.
 

 

الاخبار المرتبطة

«بيراميدز» يخسر أمام «الجونة» بهدفين «بيراميدز» يخسر أمام «الجونة» بهدفين الثلاثاء، 19 فبراير 2019 06:09 م
الزمالك ينعى خالد توحيد الزمالك ينعى خالد توحيد الثلاثاء، 19 فبراير 2019 03:41 م

الأكثر قراءة

الرجوع الى أعلى الصفحة