الجمعة، 17 مايو 2019 - 07:43 م

نشر السيناريست محمد سيد بشير، تدوينة جديدة عبر حسابه الشخصي بشبكة التواصل الاجتماعي "فيسبوك"، يكشف خلالها أسباب عدم تصوير فيلمه الجديد "ترانيم إبليس".

وكتب قائلا: " فيلم ترانيم إبليس كان المفترض أنه ينزل الموسم الجاي تحديدا العيد الصغير.. وبعيدا عن أنه فيلمي ..حقيقي كنتوا هتشوفوا فيلم مختلف عن أي حاجة هتشوفوها أو شوفتوها قبل كده في صناعة السينما المصرية بحجم النجوم اللي فيه.. الفيلم ده أنا ذاكرت كل تفاصيله لسنين وعملت مراجعات تقنيه ودينية مع علماء كتير أهمهم الدكتور علي جمعة شخصيا واللي أشاد بفكرة الفيلم جدا..وكان مخطط للفيلم أن يكون له أجزاء مش مجرد فيلم، واتعمل وخلاص وكل حاجة مدروسة مع المخرج أحمد نادر جلال من أكبر حاجة لأصغر حاجة".

و أضاف: "كان مترتب شكل الدعاية وشكل التيزر والبرومو للفيلم وشكل الفيلم نفسه اللي كان مرسوم كل شوت وكادر فيه، اه والله أنا شوفت الفيلم مرسوم شوت شوت.. والكل كان شغال بحماس ما بعده حماس لإيمانهم بفكرة الفيلم واختلافها والحماس ده تحول لإحباط ما بعده أحباط .. وبعد تعبي وإصرارى أن اعمل الفيلم يظهر بالشكل اللي انا متخيله وبعد موافقة وحماس السقا ومصطفي وخالد وكل النجوم بالإضافة لوجود مخرج مهم ومن أهم مخرجين مصر أحمد نادر جلال ، الفيلم التصاريح بتعته مطلعتش من شهر أكتوبر ٢٠١٨ رغم كل المحاولات اللي عملتها واللي قريبين مني عارفنها برضه مطلعتش".

واختتم حديثه قائلا: "أنا يائس ومحبط جدًا جدا، وخليكم فاكرين اسم الفيلم عشان لو في يوم شوفتوا تفتكروا الأيام دي".