الأربعاء، 22 مايو 2019 - 11:34 م

قال الفنان أمير كرارة، إنه لا يحب مرحلة الشيخوخة، معللا: «مش بحب أعيشها علشان مبحبش أحس نفسي تعبان، ولما بتعب بزعل على نفسي، لكن بحب الطفولة جدا لأن الواحد بتكون دماغه فاضية».

وروى كرارة - خلال لقاءه مع الإعلامية رشا الخطيب، ببرنامج «السرداب» ويذاع عبر قناة المحور- موقفا مرعبا حدث معه عندما كان صغيرا قائلا: كنت ماشي في شارع مظلم كنا مسميينه شارع الأشباح، وكنا بنجري فيه بعجل، وفاجأة لقيت شاكوش نازل على دماغى، ولقيت نفسي قدام باب المستشفى، فدخلت من باب غير الباب الرئيسي للمستشفى.

وتابع: «خيطت دماغى وروحت البيت وأخويا قالى تعالى نشوف اللى ضربك، فلما رحنا بنبص على باب المستشفى لقيناه مقفول والقفل مصدى، ودخلنا لمدير المستشفى قالنا الباب ده مقفول من 25 سنة وازاي دخلت من الباب ده، وإن الباب باب مشرحة، ومحدش صدق إني دخلت من الباب».

وأشار إلى أن لديه فوبيا من الأماكن المظلمة والمغلقة، مضيفا "لو دخلت أسانسير وعطل بيا ممكن أموت.