الخميس، 25 يوليه 2019 - 03:55 م

نعت الفنانة المعتزلة شهيرة، الفنان الراحل فاروق الفيشاوي، بكلمات مؤثرة، خاصة أنها كانت أخر صديقة قامت بزيارته في المستشفى قبل وفاته بيوما واحدا.

وكتبت شهيرة، عبر صفحتها الشخصية بموقع التواصل الاجتماعي "فيسبوك" قائلة: "فاروق انت مشيت..هو كده خلاص يعني. !!؟؟ ياأجدع وأحب خلق الله من أمبارح وانا مش مصدقه لأن قبلها بيوم كنت عندك في المستشفي وكانت الزياره ممنوعه بس انت لما عرفت اني موجوده طلبتني أدخلك، وقضيت معاك فوق النص ساعه من المرح والضحك وكأنك لست مريضا وفي حاله خطره. كنت قويا ومتجاهل ماأنت فيه، وتحكي حكايات من هنا وهناك كأنك تعاني من نزله برد ونزلت من عندك راضيه بروحك المعنويه المرتفعة".

وأضافت: "لذلك كانت صدمتي كبيرة لما بسأل عنك تاني يوم قالولي أنتي آخر صديقه شوفتيه في حالته الطبيعيه لأنه النهاردة راح في غيبوبة.. طب ازاي ده كان كويس أمبارح بروحه العاليه ده كان بيضحك ده كان بيحكي علي نوادره مع صديقه محمود الجندي وعلى فلان وعلان. طب ازاي بسرعه كده.. طب ازاي ازاي!! سبحان الله (بين طرفه عين وانتباهتها يغير الله من حال إلي حال) دموعي تتسابق مع نفسها ولا تريد تهدأ.. طب ازاي وانت من أعز الأصدقاء للعيله كلها وانهيار ابني عمرو بالبكاء عندما رأي النعش بتاعك أمامه.. وشريط ذكريات أؤنكل فاروق أمامه.. الشهامه والرجولة والجدعنه".

وتابعت قائلة : "أنت يافاروق صاحب المواقف الصعبه مع كل الناس مستحيل لم تترك بصمه مع كل من عرفك وأقترب منك.. مع السلامه ياحبيبي.. اللهم تقبله بقبول حسن وسامحه وأغفرله وأعفو عنه وأجعل ليلته اجمل ليله وثبته عند السؤال ونور قبره واجعله روضه من رياض الجنه فليس هناك أحن منك علينا يا رحمن يا رحيم".