شذى شذى

«شذى» تكشف مرض هيثم شاكر الخطير: «محروم من الأكل»

أحمد السنوسي الجمعة، 16 أغسطس 2019 - 05:15 م

كشفت المطربة شذى، عن مفاجأت جديدة في مرض صديقها النجم هيثم شاكر، الذي كان قد صدم به جمهوره، مساء أمس، حينما أعلن عن إصابته بمرض خبيث، والذي كان السبب في إختفاءه طوال السنوات الماضية عن الساحة الفنية.

 
وعلقت شذى على حسابها الرسمي بموقع “انستجرام”، صورة مع هيثم شاكر وعلقت عليها قائلة: “من إمبارح بيجيلي تليفونات اللي زعلانين مني، علشان أنا من أصحاب هيثم القريبين، وكنت عارفه ومقولتش على مرضه، واللي أصلا بيشكك أن هيثم كان تعبان عموما، علشان مش هينفع أرد على كل المكالمات، هيثم كان فعلا مريض بمرض خطير ربنا يبعد كل شر عن أي حد يا رب والحمدلله هو تعافى، بس هو لسه في حاجات كتير محروم منها وأهمها حاجه أساسيه لأي كائن حي”.


 
وتابعت:”هي نعمه الأكل هيثم لحد دلوقتي وهيفضل كده ميقدرش، ياكل بشكل طبيعي وده سبب اختفاءه كل الفتره دي و( توضيح) وسبب إن هو فقد كتير جدا من وزنه عموما محدش بيسيب نجاحه بمزاجه ويختفي”.

 

وأستكملت: “ومش معنى أن أي حد بينزل صور ولا بيبين أنه مبسوط أن دي بتكون الحقيقه كل واحد عندوا حته مستخبيه محدش عارف عنها حاجه “.

 

وأردفت: “أنا كتبت كده علشان محدش يلومني ليه مكنتش بقول، وعموما برضوا هيثم هو اللي مكنش حابب حد يعرف حاجه عن كل معاناته، دي علشان أصحاب النفوس المريضه ميفهموش أن هو بيعمل أي حوارات علشان يبرر بيها غيابه”.

 

وأختتمت: “ولما قرر يعرف جمهوره وأصحابه عرفهم وهو منور وفرحان بنجاح ألبومه اللي في وسط كل ده كان مهتم برضوا مينزلش بأي حاجه وكان عندوا إصرار يعمل البوم محترم  مبروك يا هيثوم وحمدلله على سلامتك، وأفرح بتعبك في ألبومك وبالناس اللي بتحبك معرفة قديمة”.

وكان هيثم شاكر، قد أعلن لجمهوره عن سبب اختفاءه لمدة خمس سنوات الماضية، وعدم طرح ألبومه “معرفة قديمة”، وذلك عبر حسابه الرسمي بموقع التواصل الإجتماعي “فيس بوك“.

 

وكتب شاكر تدوينة طويلة، شكر فيها كل من وقف بجانبه وهنأه بعد طرح ألبومه، حيث قال: “من أيام قليلة نزل ألبومي الجديد “معرفة قديمة” .. الحمد لله على ردود أفعال الجمهور عليه مفرحاني ومخلياني مبسوط جداً،  بكل تعليق ورأي ونقد عن الألبوم .. شكراً لكل واحد قال كلمة حلوة عن أغاني الألبوم الجديد وأول فيديو كليب منه، صدقوني حاولت أقرا كل تعليقاتكم وارائكم”.

 

وأضاف: “شكراً لكل الزملاء المحترمين على مباركتهم ودعمهم.. عارف أن الغياب كان فترة طويلة لكن كان فعلاً غصب عني أي تأخير.. 5 سنين عن اخر ألبوم ليا كان بسبب مرض خبيث مش حابب أتكلم في تفاصيله”.

وأستكمل: “كان اختبار لصبري والحمد لله تعافيت منه، وكان سبب في التأخر عن الانتهاء من الالبوم الجديد.. إن شاء الله مش هغيب عنكم كتير وهفضل أشتغل على أعمال تليق بقيمتكم.. بشكركم جميعاً.. الحمد لله”.



الاخبار المرتبطة




الأكثر قراءة

الرجوع الى أعلى الصفحة