إنجي وجدان - ريهام سعيد
إنجي وجدان - ريهام سعيد


إنجي وجدان تهاجم ريهام سعيد بسبب فيديو «السمنة»

كريم هلال

الجمعة، 23 أغسطس 2019 - 05:33 ص

 

قامت الفنانة إنجي وجدان، بنشر فيديو عبر حسابها الشخصي بموقع مشاركة الفيديوهات والصور الشهير "إنستجرام" وهي توجه به رسالة للإعلامية ريهام سعيد، بعد هجومها على أصحاب السمنة المفرطة.

وقالت إنجى في الفيديو : " لسه متفرجة على فيديو لريهام سعيد ، أنا مبحبش أتكلم عن حد ولا أعمل مشاكل مع حد، بس "ريهام"  بتقول فيه إن التخان ميتين وإن هما عبء على الدولة".

ثم أكملت "إنجى" ، هجومها على ريهام سعيد عبر الفيديو قائلة : "أستاذة ريهام حضرتك كنتي عيانة أو عيانة أو معرفش، أنا واحدة تخينة ومعنديش كل المشاكل دي وغيري كتير، وكنت متعاطفة معاكي جدا لما أعلنتِ إصابتك بمرض نادر، وكنت بدعيلك، وناس كتير كانت ضدك وبقت بتدعيلك لما أعلنتي مرضك، فمش من صالحك إنك تضايقي الناس وتغلطي فيهم وتغلطي في شكلك.. أنا رياضية طول عمري، وتخنت، واتجوزت وجوزي رفيع وأُعجب بيَّ رغم أني تخينة، وخلي بالك في ناس مريضة وتخنت وفي ناس عندها مشكلة في الغدد، وفي ناس تخان ورياضيين وممكن يكونوا أحسن منك في الجيم، ومش من حقك تقولي التخان ميتين، أنا أهو عايشة وبمثل وبدي للناس أمل مش بكأبهُم، ودور الإنسان إنه يعطي للناس أمل، لكن لما تقولي لشخص تخين أنه ميت فأنتي كده بتقضي عليه تمامًا".

جاء سبب هجوم إنجي وجدان بسبب أن الإعلامية ريهام سعيد وجهت هجومًا وسخرية من أصحاب السمنة المفرطة، وقالت في برنامجها: "الناس التخينة ميتة، عبء على أهلها وعلى الدولة، وبيشوهوا المنظر، منظرك بيكون مش حلو وإنتي بالعباية أو الجلابية ومش قادرة تمشي، بتفقدي جزء من أنوثتك".

 

الكلمات الدالة

مشاركه الخبر :

 
 
 
 
 
 
 
 

 
 
 

 
 
 

مشاركة