ريهام سعيد
ريهام سعيد


أزمة «حلقة السمنة»| رد فعل جديد من ريهام سعيد قبل التحقيق

محمد طه

الجمعة، 23 أغسطس 2019 - 04:50 م

 

ردت الإعلامية ريهام سعيد على الهجوم التي تعرضت له خلال الساعات الماضية، بسبب سخريتها وانتقادها لأصحاب السمنة المفرطة، في حلقة برنامجها «صبايا» على شاشة الحياة مساء الأربعاء الماضي.

وظهرت ريهام سعيد في جديد- صباح اليوم- عبر حسابها بـ"إنستجرام"، لترد على تلك الموجة الغاضبة ضدها لتقول: «الأيام دي بتفكرني بأي فترة نعمل فيها حلقات قوية، وأنا مبسوطة جدًا إننا غايظين ناس كتير.. عملنا جراحات سمنة لناس كتير الأسبوع الماضي والستات كلهم زي الفل وصحتهم كويس، وعارفة إن فيه دكاترة اتضايقت وناس تانية اتضايقت والنجاح بيضايق أنا عارفة، وللمرة الأخيرة لجمهوري اللي بيحيني، إحنا مجرحناش حد ولا اتكلمنا وحش على حد، الناس اللي اتكلمنا عنهم فوق الـ200 كيلو وهما عبء على الدولة فعلاً لأنهم مبيشتغلوش، والسمنة لو معندكش مشاكل في الغدد أو الجينات أنت اللي جبته لنفسك ويمكن تغيره».

وأضافت: «الناس اللي لابسة جلابية وإسدال ناس بسيطة هنقول جزء منهم أمي لازم تكلمهم بطريقة مختلفة غير اللي الناس بتقوله علشان يفوقوا.. لازم الناس تعرف إن شكلها وحش ومنظرها مش لطيف ويدل على عدم التحضر، الناس غريبة سيبونا نساعدهم ونوعيهم وننصحهم».

 
 
 
 
 
 
 
 
 
 
 
 
 

ريهام سعيد لمنتقديها : انت متعرفش وانا عارفة فخليك في حالك #reham_saeed

A post shared by Reham Saeed (@rehamsaidofficial) on

وكانت ريهام سعيد تعرضت للهجوم بسبب إنها قالت في برنامجها: «الناس التخينة ميتة، عبء على أهلها وعلى الدولة، وبيشوهوا المنظر، منظرك بيكون مش حلو وإنتي بالعباية أو الجلابية ومش قادرة تمشي، بتفقدي جزء من أنوثتك».

وتقدم المجلس القومي للمرأة بشكوى للجنة الشكاوى بالمجلس الأعلى لتنظيم الإعلام، ضد برنامج «صبايا الخير» الذي تقدمه الإعلامية ريهام سعيد على قناة «الحياة»، وتضمن موضوع الشكوى الحلقة التي تحدثت فيها مقدمة البرنامج عن «السمنة»، والتي أثارت استياء السيدات المصريات كما احتوت على عبارات وأوصاف لا تليق، وتضمنت الشكوى المطالبة باتخاذ الإجراءات اللازمة من قبل المجلس الاعلى للإعلام فى هذا الشأن.

ومن المقرر أن تحقق اللجنة برئاسة جمال شوقي عضو المجلس الأعلى لتنظيم الإعلام، في الشكوى الأحد المقبل.

 

الكلمات الدالة

مشاركه الخبر :

 
 
 
 
 
 
 
 
 

 
 
 

 
 
 

مشاركة