الأربعاء، 02 أكتوبر 2019 - 01:25 م

تحلم كل فتاة أن تعيش قصة حب أسطورية تكلل في نهاية المطاف بالزواج؛ وتنتظر العروس يوم الخطبة بفارغ الصبر لتفرح وسط صديقاتها وأقاربها. 

ولكن أحيانا تأتي الرياح بما لا تشتهي السفن فكثير من الفتيات صدمن في شريك عمرهن خاصة بعد هروبه ليلة فرحه؛ فإحساس أن العروس تجلس بمفردها بين المعازيم والضيوف شعور مؤلم لا يشعر به سوى من جربه. 

 
قررت فتاة تدعى «نهال» أن تخرج عن صمتها لأول مرة وتسرد قصتها على السوشيال ميديا بعد أن قام خطيبها «مصطفى» بتركها يوم خطوبتهما في القاعة.  

مفاجأة صادمة
وقالت: « أنا كان مقري فتحتي زي ما كله عارف على مصطفى وخطبتي كانت يوم السبت، اللي فات المفروض كان بينا مشاكل زي أي اتنين عاديين مع مامته بقى وخلافات بتحصل أول ما أطلب حاجة وقولت دا عادي بيحصل بس اللي متخيلتش إنه يحصل إنه يسيبني في القاعة لوحدي.. اتفاجئت إنه مش عازم صحابه ولا قرايبه كلهم وحسيت في حاجة غلط حتى مامته وأخته مفيش.. واحدة فيهم جت باركتلي وقولت أمشي اليوم».

خطة في منتهى الذكاء

وتابعت الفتاة: «كل ما أقوله فين الشبكه اللي هنلبسها يقوللي أصل اتكب عليها شربات أصل وقع جاتوه عليها.. طب خليها بعد البوفية وكلام كله غريب كدا لحد ما دخلنا بعد البوفية لقيت أهله كلهم مشيوا.. وقال إيه خالوا تعب! فيقوم أهله كلهم يمشوا وأنا في القاعة لوحدي بدور عليه الاقيه بيصرخ برا ويقول خالي عيان وبيلطم وحاجات غريبة كدا وأنا اقسم بالله ما مستوعبة اللي بيحصل هو في واحد خاله عيان عيلته كلها بتمشي الستات اختفوا بس كانو بيهزروا فوق نسوا العيان».

مصطفى تورتة 

وأضافت: «والأنيل إننا اكتشفنا إنهم أخدوا التورت معاهم طب مش خالك عيان.. أخدتوا التورت معاكم ملبستنيش شبكة.. وقبل كل دا بأيام جالي البيت وأخد التوينز بتاعت قراية الفاتحة بحجة إنه عايز يلبسني كله مرة واحدة في القاعة وأنا هبلة وافقت مجاش في بالي للحظة واحدة انه هيعمل فيا كدا».

قلب موجوع 

واختتمت الفتاة منشورها بدعوة: دلوقتى حبه أقول كل دا عشان ايه؟ كان ممكن ننهي بالمعروف من غير أذى نفسي ليا.. كان ممكن تسترجل وتيجي تقولي يلا نفركش وكنت لغيت الخطوبة.. مش جي وبترقص وتقولي محضرلك مفاجأة.. وفي نيتك تعمل فيا كدا.. حسبي الله ونعم الوكيل». 

إن كيدهن عظيم
لم تنتهِ القصة إلى هذا الحد؛ بل قامت سيدات السوشيال ميديا برد غيبة نهال من خلال هاشتاج «مصطفى أبو تورتة»؛ ليسخرن من رد فعله وطريقته الغريبة في الهروب. 

ومن هنا بدأت السخرية عليه عبر صفحات «الكوميكس» من اجل تنبيه الفتيات من مصطفي الذي غدر بخطيبته يوم فرحها ولم يفكر لحظة في الأيام التي قضاها معها وهي تنتظره.