«يا جنة روحتي الجنة»
«يا جنة روحتي الجنة»


إبداعات القراء| قصيدة «يا جنة روحتي الجنة»

نادية البنا

الجمعة، 04 أكتوبر 2019 - 03:13 ص

 

تنشر "بوابة أخبار اليوم"، قصيدة بعنوان "ياجنة روحتي الجنة" للشاعرة سناء سراج، ضمن إبداعات القراء الأدبية والفنية في تبويب صحافة المواطن. 

 

ياجنة روحتي الجنة 

خلاص يا جنة  
روحتي للجنة 
اكيد شفتيها  
صح.. حلوة 
وجميلة   
زي ما بسمع 
عنها ونفسنا  
نزورها.. 

حلوة  يا جنة 
بسمتك وبرائتك 
ياترى  قابلتي  
مين هناك..  

اكيد شفتي  
 يوسف ومريم 
كمان 

وكتير زيهم 
من الأبرار  

هناك ياجنة  
في الجنة  
اكيد مفيش  
وجع ولا  
جرح والم.. 

هناك مفيش  
ظلم ولا قهر 
وندم .. 

هناك يا جنة  
في الجنة  
هتلاقي الفاكهة 
الحلوة والعسل  
والمية اكيد نقية. 

مفيش يا جنة  
في الجنة.. 
سرطان .. 
ولا اكل فيه  
هرمونات  
ولا تلوث .. 
وتشوه .. 

هناك هتلاقي  
الضمير الحي  
مش زي اللي  
عندنا في الحي . 

هناك ياجنة  
في الجنة .. 
هتلاقي بيت 
جميل وخضرة 
ولبس كتير  
وكمان لَعب 
وعرايس 
كتير كتير  

و اخوات بدل  
ماما وبابا  
وحضن جميل  
بدل قسوة  
وعذاب تيتا .. 

ها تفرحوا  
وتطيروا وتجروا 
وكمان تلعبوا  
 ولما تتعبوا  
هتناموا في حجر 
سيدنا إبراهيم 
 
خلاص يا جنة 
روحتي الجنة.. 

 

الكلمات الدالة

مشاركه الخبر :

 
 
 
 
 
 
 
 
 

 
 
 

 
 
 

مشاركة