الأحد، 06 أكتوبر 2019 - 07:05 م

أحمد سالم

الفرق الأساسى بين العلاقة الزوجية الرومانسية عند الأجانب والعلاقة الزوجية المملة عند بعض المصريين هو شوية كلمات بسيطة،
فالزوجة الأجنبية بتقول لجوزها ياحبيبي....
والزوجة المصرية بتقول لجوزها يابابا......
والزوج الأجنبى بيقول لمراته سويتى أو هني....
والزوج المصرى بيقول لمراته ياحسن (على اسم ابنه الكبير)
يا تتجوزوا عن حب واقتناع،
يا إما اللى قاعد فى بيت أهله...... على أقل أقل أقل من مهله
المشكلة إن الرجل اللى عايز مراته تنزل البحر بالمايوه الشرعى وفوقه ١٥ بالطو و٧ ملايات هو نفس الرجل اللى بينزل يبحلق فى الستات اللى بمايوهات بكيني،
وكأن ربنا أمر المرأة بتغطية جسدها ولم يأمره بغض البصر
# متدين_بطبعه_من_بره
# بصباص_من_جوه
الشعب ده ربنا مش هايكرمه غير لما يعرف إن سرقة الأقلام والأفلام والولاعات وفوط الاوتيلات والبوستات حراااام
المحترم بجد يبان فى النهايات مش فى البدايات
_تعرف فلان؟
_اه
_شفته وهو بياكل مانجة؟
_لأ
_تبقى ماتعرفوش
صديقك لن يحبك مثلما يحب نفسه
وزوجك قد يحبك ولكن أقل من حبه لنفسه
واخيك قد يحبك مثلما يحب نفسه
ويبقى الأب والأم الكائن الوحيد فى الكون الذى يحبك أكثر من نفسه
فاذهب وقبل يدى أبيك وأمك وقل لهما قولا كريما وإذا كانوا فى رحاب الله فلتدعو لهما بالرحمة والمغفرة.....
بدل ما انتى مضيعة وقتك على جروب الماميز وازاى نينو يضرب لوجي
وان حق لوجى لازم يرجع،
ماتروحى تقريلك كتاب ولا لفيلك صباع محشى لجوزك بدل ما يتجوز عليكى وتزهقينا ببوستات الهجر والخيانة عالفايسبوك
# جروبات_آخر_زمن