الخميس، 07 نوفمبر 2019 - 01:01 م

كشف المؤلف عبد الرحيم كمال، كواليس تصوير أحد المشاهد للفنان الراحل هيثم أحمد زكي في فيلم "الكنز"، وكان مرتبكا جدا، قبل التصوير وكأنه يقوم بالتمثيل للمرة الأولى.

كتب عبد الرحيم كمال، عبر صفحته الشخصية بموقع التواصل الاجتماعي "فيسبوك" قائلا: "أول يوم تصوير في الكنز والمشهد بين محمد سعد وهيثم أحمد ذكي وأنا قاعد جنب المونيتور، وشريف عرفة رايح جاي ما بين المونيتور والمكتب اللي بيتصور يظبط حاجة ويرجع ويقوم تاني، وأيمن اأبو المكارم مدير التصوير جنبه وده قعد جنبي كأنه طفل مرتبك سلم عليا بايدين صاقعة من التوتر وصوت بيترعش وعين بتضحك وجواها دموع قاللي اإنه بيحبني وانه فرحان اأوي بالدور والشخصية وأنا حسّيت اني قدام إنسان طيب جواه مليون حاجة داخله في بعض يقول كلمتين ويسكت وانا أرد بكلمتين واسكت ويبتسم ابتسامة اللي قرب يعيط وبعدين شريف عرفة نده عليه فاستأذن بأدب كأني ضيف عنده في البيت وقام يجري في حماس وانا باتابعه بحب وشعور غريب بالتعاطف.. الله يرحمك يا هيثم احمد ذكي ويقبل عليك بفضله ورضاه".

يذكر أن الفنان هيثم أحمد زكي رحل عن عالمنا في الساعات الأولى من صباح اليوم، الخميس 7 نوفمبر، عن عمر يناهز 35 عاما إثر هبوط في الدورة الدموية.