السبت، 09 نوفمبر 2019 - 08:11 م

قال الفنان حسن بلبل، إن العاصمة الإدارية الجديدة، لا تتعارض مع المشروعات التنموية والتعليمية التي تقوم الدولة بإنشائها.

وأضاف بلبل – في فيديو مسجل على صفحته الرسمية بموقع التواصل الاجتماعي «فيسبوك» - قائلا: « ليه بنعمل عاصمة إدارية؟.. كنا نبني مستشفيات أو مدارس.. رغم اننا لو بحثنا هنلاقي مستشفيات كتير اتبنت بتكاليف رهيبة وكمان مدارس كتير اتبنت».

وتابع: «لما فكروا يعملوا العاصمة الإدارية.. فالمشروع ماتبناش لوحده.. في 3.5 مليون عامل ومهندس وغيره بيشتغلوا في العاصمة الإدارية الجديدة ومشروعاتها.. شوفوا كام بيت اتفتح».

وأضاف: «البلد لما غرقت في الأمطار اللي فاتت.. كله اتكلم عن الأزمة بالرغم انه كان في بلاد كتير في أوروبا شوارعها غرقانة.. وبالرغم ان في دول معادية لمصر زي قطر وغيرها كانت برضو غرقانة وماكانوش عارفين يتصرفوا.. البلد غرقت ليه؟.. علشان شبكات الصرف اللي معمولة ماكنتش معمولة لاستيعاب العدد المهول ده من السكان.. علشان كده بنعمل العاصمة الإدارية علشان نخف الضغط على القاهرة ومرافقها».

وقال حسن بلبل: «المصريون فرحانين بالعاصمة الإدارية.. واللي هربانين هما اللي زعلانين من فرح المصريين بمشروعاتهم وعلشان كده بيبثوا السموم عبر قنواتهم الممولة.. اللي زعلان هم اللي نفسهم البلد تقع زي بلاد كتير وقعت.. علشان كده اللي يزعل يتفلق».