الإثنين، 11 نوفمبر 2019 - 12:36 م

أثار تصريح رامي جمال حالة من الذعر في الوسط الغنائي خاصة بعد تفكيره في الاعتزال بسبب إصابته بمرض البهاق. 

وبدأ المطربون يوجهون له رسائل الحب والدعم وأبرزهم المطرب تامر حسني الذي نشر عبر حسابه الشخصي على موقع الصور «انستجرام»  صورة لرامي جمال وعلق عليها قائلًا «لى الفنان الكبير و الصديق الحقيقي و المحترم رامي جمال يا حبيبي أنت فنان كبير و محبوب و ليك قيمتك و كل الناس بتحبك و مفيش حاجه هتعطلك عن نجاحك ، و تعبك دا لاهو مؤذي ولا مُعدي و كل الناس جواها تعب في منه اللي ظاهر و في منه اللي مش ظاهر حتى لو كان تعب نفسي أو مادي كل شخص جواه وجع من حاجه معينه المهم أننا نبص و نتعلم من اللي ظروفهم أصعب مننا و رغم كدا عندهم صبر و بينجحوا في الإختبار و بيقولوا الحمدلله و مكملين و عندهم إراده و بينجحوا أكتر من الأول لازم تكمل نجاح يا رامي و شيل أي هلاوس من دماغك و إوعى تخبي نفسك اللي بيحبك بيحبك لشخصك و فنك صدقني دي حاجه عاديه يا رامي والله ملهاش أي تأثير لا عليك ولا على جمهورك بالعكس بقى أنت أكيد شايف الناس كلها طيبين أزاي و نفسهم يفرحوك و بعدين إفتكر إن مايكل چاكسون جاله نفس اللي جالك و بقى أسطوره مبتتكررش خااااالص وانت فنان و عارف ...أنا واثق إنك مؤمن و بتحمد ربنا و هتقوم و هتكمل و هفكرك قدام كل الناس اللي شايفه كلامي إنك هتنجح أكتر و أكتر و ربنا هيكرمك أجمل كرم و هتشوف قريب بحبك يا رامي»