السبت، 28 ديسمبر 2019 - 12:12 ص

علق الإعلامي عمرو أديب، على الهجوم الذي تعرض له محمد صلاح بسبب صورته هو وزوجته وابنته مع شجرة الكريسماس، قائلا: «اللي اتعمل في محمد صلاح محصلش قبل كده، ده زوجته محجبة وابنته اسمها مكة».

وأضاف «أديب»، خلال برنامج «الحكاية»، المذاع على قناة mbc مصر، اليوم  الجمعة، أن الإنجليز يضعون محمد صلاح في أعينهم، ويحترمون زوجته وابنته، قائلا: «نيجي إحنا نشتم ونهاجم محمد صلاح، إنتم متضايقين ليه لما أتصور جمب الشجرة».

وتابع: «محمد صلاح يجاملهم، وإحنا مسكناه كرهناه في حياته، هما متحضرين أكتر مننا، إيه اللي إحنا بنعمله ده، عندنا قدرة نضرب نفسنا بالنار، ونكره الشباب في الرموز، متزعلش يا «صلاح»، هتفضل فخر العرب»، مشيرا إلى أن محمد صلاح يقرب بين الحضارات، مختتما حديثه بـ:«كل سنة وأنتم طيبين، وميري كريسماس».