ميس حمدان
ميس حمدان في أغرب إطلالة: «مش هتجوز من غير حب»
الجمعة، 07 فبراير 2020 - 06:18 م
تغزلت الفنانة ميس حمدان في الحب عبر حسابها بموقع التواصل الاجتماعي "إنستجرام".
وشاركت "ميس" جمهورها بصور جديدة في جلسة تصوير غريبة لها بارتدائها فستان أحمر وارتدت معه شابوة من الورد تحمل نفس اللون ليناسب أجواء الاحتفال بعيد الحب.
وكتبت ميس حمدان: "الحب أحلى حاجة اتخلقت فعليا في الوجود بكل أشكاله.. ولو حتكلم عن الحب بين الراجل والست فبالنسبة ليه الحب ده بالذات بينعش فؤادي وبيخليني إنسانة محبة للحياة وعايزة أكون أحسن وحاجات تانية كتير والحمد لله عشته أكتر من مره بكل تفاصيله الحلوة والمرة ووجعه المؤلم ورغم كل ده لسه بدور عليه بشغف ورافضة اتجوز من غير حب رغم كل محاولات إقناع الناس اللي حوليه أن خلاص مفيش حاجه اسمها حب لكن انا مصممه إني مش حتنيل اتجوز غير عن حب حتى لو حيروح بعدها بيوم بس هو ده تفكيري".
وتابعت: "دلوقتي جايز يتغير بعدين وانا ماشية عل العكاز مثلا هههه معرفش.. الدنيا مش مستاهلة فاستغلو الحب وسخروه ليكو واستمتعو بيه قد متقدرو.. حبو وتحبو لأن الحب بيهون كل شىء مهما كان صعب الحب بيدي طاقه إيجابية تخليك طاير فوق الريح من الاخر كده الحب حيفضل طول عمره مرمغه مش مفهومة".
الكلمات الدالة
الاخبار المرتبطة