السبت، 15 فبراير 2020 - 04:14 م

هاجم الملحن عمرو مصطفى عبر صفحته بموقع التواصل الاجتماعي "فيسبوك" أغاني المهرجانات قائلًا: «الفن هو من يصنع ويبني الشعوب الراقية المتقدمة الملهم لكل ابتكار واختراع، عندما يصبح فن شعب عبارة عن مجموعة نشاز غنائي ويتم دعمه من قنوات وفنانين عايزين يخدوا اللقطة ويعومو علي عوم الناس المغيبة ونظرية القطيع يبقي هنا لازم نعرف إن أحنا في (خطر) تداعيات الخطر ده على أولادك هتكون كارثية لأنك مهما ربيت في البيت مفيش فايدة».

وتابع عمرو مصطفى: "يا أولي الأمر ثقافة مصر في خطر وعلى فكرة كل واحد حر اسمع الزفت اللي إنت عايزه دي حرية شخصية بس متشتكيش أخلاق الناس المحترمة راحت فين الدنيا بقت وحشة ليه الضمير راح فين كل زفت وإنت ساكت واخرس لأن في ناس بتقولك سبب المشكلة وإنت عامل عبيط".

واختتم: "يا شعب إنتو بتسمعوا وبتدعموا الزبالة وعندما تصبح العيشة زبالة لاتلوموا إلا أنفسكم، معلومة بس موسيقى المهرجان مدعومة من زمان من أعداء البلد دي حرب ثقافية علشان يخلونا زي القرود لو عايز تبقي قرد بسلسلة، إنت حر بس في بيتك مش في الشارع من فضلك".