السبت، 15 فبراير 2020 - 07:01 م

اعترض الشاعر تامر حسين على قرار اعتزال أيمن بهجت قمر للتأليف الغنائي، وعلق قائلًا بحسابه على موقع الفيسبوك: "مش بمزاجك حضرتك إحنا لينا فيك والله ما بهزر ولا بجاملك وبنكبر أكتر وإنت معانا فى أى ألبوم وإنت أثرت وسبت نجاحات وعلامات في قلوب كل اللى بيحبوك وكل زمايلك والتوتر والضغط رغم صعوبتهم النفسية، النجاح بينسى كُل ده مفيش راحة يابو بهجت".

وأعلن الشاعر أيمن بهجت قمر اعتزاله مجال تأليف الأغاني، معلنًا أن أغنية «مهرجان» التي كتبها للهضبة عمرو دياب هي آخر أعماله في هذا المجال.

وكتب أيمن بهجت قمر عبر صفحته بـ«فيسبوك»: «بقالي فترة مش صغيرة بفكر جديًا في اللي هقوله دلوقتي أنا قررت أن أغنية (مهرجان) هي آخر أغنية أنا هكتبها وخلاص هعتزل تأليف الأغاني.. هكتب أفلام، مسرح، مسلسلات، لكن خلاص هبعد عن مجال الموسيقى هنتج بس».

وتابع: «أنا بقالي ٢٨ سنة بكتب أغاني وطول الوقت في توتر وضغوط عاصرت أجيال كتير من ١٩٩٢ لحد دلوقتي وخلاص قررت ارتاح من السبق ده.. أنا أسف مش هرد على أي زميل يتصل بيا عشان محدش يأثر عليا».