الثلاثاء، 25 فبراير 2020 - 04:27 م

كشفت الفنانة إيمي طلعت زكريا عن كواليس لقاء والدها الراحل بالرئيس الأسبق محمد حسني مبارك ونشرت صورة من اللقاء عبر حسابها على إنستجرام .

وكتبت: "رد الجميل ...كان بابا بيحكيلى عن مقابلته للرئيس لأول مره وكان راجع فرحان اوى بصرف النظر عن انه وقف جنبه ورجعه مصر بعد رحله علاج طويله ف باريس ..وبعد رجوع بابا من فرنسا وتماثله الشفاء كلمه الرئيس ف التليفون وقاله نفسك ف ايه ياطلعت ️قاله انى اشوفك ياريس".

وأضافت :"وفعلا بعد عام من المكالمة دى كلمه مكتب الرئاسة وقاله فى ميعاد مع الرئيس غدا وافتكر اليوم ده كويس بابا منامش لغايه ميعاد المقابله وأول الريس لما شاف بابا قاله انت جاى تقابل رئيس جمهوريه ياطلعت مش لابس بدله ليه جاى بقميص وبنطلون وضحك معاه قاله من كتر التوتر ياريس معرفتش بلبس ايه ".

وتابعت :"قد ايه كان راجل جميل  ربنا يرحمك ياريس انت وبابا وكل امواتنا لغايه الان احنا على تواصل مع علاء مبارك ودايما بيسأل علينا "