الأحد، 01 مارس 2020 - 02:21 م

وجه الموزع الموسيقي نادر حمدي رسالة للنجم عمرو دياب، بعد مشاركته في الحفل الذي أحياه الهضبة مساء أمس، بساحة المنارة للمؤتمرات الدولية للاحتفال بألبومه الجديد "سهران"، والذي شهد حضورًا جماهيريًا كبيرًا رفع شعار "كامل العدد".

ونشر نادر حمدي صور تجمعه بالهضبة عبر "إنستجرام" من الحفل، وعلق عليها قائلا: "أنا لما بشوف الراجل ده بشوفه بشكل تاني غيركم كلكم أنا أسف طبعا بس بجد بشوفه أسطورة حيه فيها مستقبل وحاضر و تاريخ ماشي على الأرض ولسه بيمدنا بعطائه اللي انا ماشفتش زيه في مطرب آخر عشان كده بقّدر كل خطوة وكل طلب بيطلبه مني لما بنشتغل مع بعض".

وتابع عن صورتهما معا: "لو شايفين الصورة هتلاقوني (متشعلق) فيه مش حاضنه عشان ده احساسي ناحية الأغنية المصرية وهو ممثلها لو الراجل ده مش بيتعب عشان ينجح بالشكل ده كان زماننا مابنسمعش غير اللي بنسمعه اليومين دول مع احترامي لكل أنواع الفن بس أحنا بنسعى للتحضر ولتحسين الذوق العام وربنا يقدرنا جميعًا".

وحرص الهضبة خلال الحفل على تقديم صناع ألبومه الجديد على المسرح منهم الشاعر تامر حسين والملحن عزيز الشافعي وأحمد المالكي وصابر كمال والموزع نادر حمدي وبلال سرور وشادي نور ومحمدي وخالد تاج الدين ومحمد يحيى، وحرص على توجيه تحية لأحمد زغلول مؤلف وملحن أغنية "روح"، قائلا: "أحمد زغلول صديقي وعشرة عمري وطلع فنان كبير"، كما وجه التحية لـ3 أسامي تعاونوا معه في الألبوم ولم يحضروا الحفل وهما الشاعر أيمن بهجت قمر والملحن عمرو مصطفى والموزع طارق مدكور، وخلال غنائه لأغنية "حلوة البدايات" التي ختم بها الحفل قام بالتقاط صور تذكارية جماعية مع صناع الألبوم.

وافتتح الهضبة الحفل بأغنية "حلوة البدايات"، واستكمل بأغاني: "سهران، ومهرجان، وجامدة بس، وجميلة، وهيعيش يفتكرني، وبالضحكة دي، وأول يوم في البعد، وبحبه، ومكانك في قلبي، وروح، وزي مانتي، وقدام مرايتها، ويوم تلات، وعم الطبيب"، وحرص الهضبة على تحية الجمهور وأبدى سعادته لحفظهم كلمات جميع الأغاني وترديدها معه، خاصة أغنية "عم الطبيب" ليمازحهم عمرو دياب قائلا: "والله انا مبسوط بيكوا دي كلماتها صعبة وكتيرة"، كما قام بغناء عدد من أغانيه القديمة ومنها: "وياه، والعالم الله، ولو عشقاني، وقصاد عيني، وليلي نهاري، وده لو اتساب، ويتعلموا"، ليختتم الحفل بأغنية "حلوة البدايات".

وأعلن عمرو دياب أنه قام بإهداء ألبومه الجديد للفنان الراحل عزت أبو عوف الذي عمل معه منذ بداياته الفنية، مؤكدا أن هذا أقل ما يقوم بفعله لروح الفنان الراحل.

ويعد هذا الحفل الجماهيري الأول لعمرو دياب في القاهرة الذي يحتفل من خلاله بألبومه الجديد "سهران"، والذي يتكون من 16 أغنية وهم: "عم الطبيب، وأول يوم في البعد، وبحبه، وبالضحكة دي، وجميلة، وهيعيش يفتكرني، ومهرجان، ومكانك في قلبي، وقدام مرايتها، ورح، وسهران، وياروقانك، ويوم تلات، وزي مانتي"، تعاون فيهم مع عدد من الشعراء والملحنين والموزعين أبرزهم أيمن بهجت قمر وتامر حسين وصابر كمال وعمرو مصطفى وعزيز الشافعي ومحمد يحيى وطارق مدكور ورامي سمير وأسامة الهندي ونادر حمدي، وشهد الألبوم مفاجأة بتعاونه لأول مره مع ابنته جانا والتي شاركت في غناء وتلحين أغنية "جميلة"، وكذلك تعاون أحمد زغلول مدير أعمال عمرو دياب في الألبوم بأغنية من كلماته وألحانه وهي "روح".

 

 

 

 

View this post on Instagram

 

 

 

 

 

 

 

 

 

‏‎🎼 انا لما بشوف الراجل ده بشوفه بشكل تاني غيركم كلكم انا اسف طبعا بس بجد بشوفه اسطورة حيه فيها مستقبل و حاضر و تاريخ ماشي على الارض و لسه بيمدنا بعطائه اللي انا ماشفتش زيه في مطرب آخر عشان كده بقّدر كل خطوة و كل طلب بيطلبه مني لما بنشتغل مع بعض لو شايفين الصوره هتلاقوني "متشعلق" فيه مش حاضنه عشان ده احساسي ناحية الاغنية المصريه و هو ممثلها لو الراجل ده مش بيتعب عشان ينجح بالشكل ده كان زماننا مابنسمعش غير اللي بنسمعه اليومين دول مع احترامي لكل انواع الفن بس احنا بنسعى للتحضر و لتحسين الذوق العام و ربنا يقدرنا جميعاً عمرو دياب : انا قولت اللي ماحدش قاله و عملت اللي ماحدش عمله #حقيقة #عمرو_دياب

A post shared by Nader Hamdy | نادر حمدي (@naderhamdy) on Mar 1, 2020 at 1:20am PST