«من قلب الحدث» الحجر الصحي في مرسى علم "غرف 5 نجوم على البحر".. صور 
«من قلب الحدث» الحجر الصحي في مرسى علم "غرف 5 نجوم على البحر".. صور 


«من قلب الحدث» الحجر الصحي في مرسى علم «غرف 5 نجوم على البحر».. صور 

ريم الزاهد

الجمعة، 03 أبريل 2020 - 07:03 م

 

تداول مستخدمو موقع التواصل الاجتماعي "فيسبوك" صور من الحجر الصحي للمصريين العائدين من الولايات المتحدة الامريكية والذي تم الاستقرار عليه أن يكون في مرسى علم. 

نشرت أبنه إحدى العالقين في أمريكا منشورا على فيسبوك أوضحت به كواليس سفر ووصول والديها قائلة :"بابا وماما كانوا من العالقين في امريكا وانهارده الحمد لله رجعوا مصر في الطياره اللي مصر بعتتها لواشنطن،  مع كل البوستات السلبيه واللي كلها كدب علي الفيس بوك من ناس اقل ما يقال عنها انهم شوية فشله ومعقدين كانوا طبعا قلقانين يعني ايه يقعدوا في حجر وعزل ١٤ يوم".

وأضافت :" بعد استخاره قرروا انهم يرجعوا مصر  والحمد لله امبارح وهم بياخدوا الطياره وهم علي ال gate بيركبوا الطياره جت تعليمات من مصر ان الطياره هتنزل في مرسي علم وكانت التعليمات مش عايزين كلام كتير ومش عايزين اسئلة".


وأشارت :" نزلت الطيارة في مطار مرسي علم وكان في استقبالهم فريق طبي والشرطه كل الاجراءات خلصت بسرعه وبمهاره، شنطهم  اترشت بكحول، كل الاولويه لكبار السن، مساعدات وميه وكشف طبي، اتحركوا في اتوبيسات مع عربيات الشرطه لفندق خمس نجوم". 

وبدأت القصة عند الوصول للفنادق المقرر الإقامة بها وعلقت عليها :"التعليمات مفيش خروج من الاوض، كل حاجه هتيجي للاوضة الكشف الطبي مرتين في اليوم، الاوض اللي ساكنها مسئول عن تنضيفها عشان مفيش عماله كافيه وعشان محدش يدخل من بره، العزل في اوضه ٥ نجوم علي البحر ومن غير فلوس،  في الوقت اللي مطار واشنطن مفيهوش اي اجراءات من التعقيم ولا اي تنظيم كان مطار مرسي علم جاهز بادوات التعقيم والفندق رايحين جايين يرشوا  كحول ومطهرات". 


وأنهت منشورها برسالة قوية قائلة:" طبعا مليون مره تحيا مصر، وبالنسبة للناس اللي بتشتم في البلد وبطلع اشاعات او تساهم انها تشير اخبار غلط مشفتهاش غير ان الاخبار دي بتغذي نفوسهم السودا والمريضه، انتم ارف وربنا يخلصنا منكم  واتمني لما الازمه تخلص تحجزوا طياره وان واي تيكيت ومنشفكوش تاني".
 

الكلمات الدالة

مشاركه الخبر :

 
 
 
 
 
 
 
 
 

 
 
 

 
 
 

مشاركة