الإثنين، 27 يوليه 2020 - 12:24 ص

علق الفنان أحمد زاهر، على واقعة تنمر منصات السوشيال ميديا على صورته مع ابنته ليلى في "البيسين"، التي أثارت الجدل، قائلاً: "ليه اتغيرنا؟ وليه بقينا وحشين كده؟ ليه بقينا بنجرح في الناس بالشكل ده؟ وبنجرح في مين أطفال وشباب صغيرين ليه؟". 

وأضاف "زاهر"، خلال مداخلة هاتفية عبر برنامج "القاهرة الآن"، المذاع على فضائية "العربية الحدث"، الذي تقدمه الإعلامية لميس الحديدي: "لو مش عاجباك الصورة سيبها يا أخي وعدي عليها، ده حسابي الشخصي وأنا حر فيه"، متابعًا: "الغريب أني في الصورة كنت حاضن ليلى ومش مبين فيها حاجة إلا دراعها؟ ومع ذلك ماسبوهاش في حالها.. أنا أكيد مش هحط  صورة بنتي بمايوه".

وتابع: "النقد في العمل الفني عادي  لكن التطرق لبناتي مش هسمح بيه أبداً.. عن نفسي لما حد بيشتمني بعمل ديليت وبلوك لكن بناتي لا، ده حاجة وجعتني ووجعت بناتي وصحباتهم اتصلوا بيهم.. هقدم بلاغ  في مباحث الإنترنت ضد أي حد يشتم بناتي، مش هسكت زي شريف منير اللي بدأ بده".