الخميس، 27 أغسطس 2020 - 08:15 م

روى المطرب محمود العسيلي، ذكريات تجمعه أيام الطفولة مع المطرب تامر حسني، وذلك استعدادا لطرح الدويتو الغنائي الذي يجمعهما غدا الجمعة ويحمل اسم "إختراع".

وكتب العسيلي: "هحكي قصة محدش يعرفها خالص، حتى تامر مكانش مجمع ان الشخص دا انا لحد ما فكرته ومات مالضحك 😂 كنا في مدرسة واحده انا و تامر وانا كنت في سنة خامسة ابتدائي وتامر كان التلميذ اللي مسؤل عن عروض حفلات التخرج وكان هيغني ويعمل عرض استعراضي كبير و جابوله ٤ أصوات عشان يختار منهم حد يغني معاه بس كنا بنغني انجليزي واخترني انا عشان اشارك في العرض وكنت فرحان اوي".

وتابع: "الفكرة من الموقف أن تامر نفس الشخص ونفس القلب اللي قابلته من أيام المدرسة لحد دلوقتي وعايز اقوله إني انا برضه فرحان نفس الفرحة و متشرف بإختيارك ليا لمشاركتك الأغنية العسل دي واحنا كبار ومحققين أحلامنا بالمناسبة انت بجد مخرج جامد يا تيمو 🤝يارب الأغنيه تعجبكم 🌹🙏. #إختراع".

"إختراع".. من كلمات أحمد راؤول، وألحان أحمد زعيم وتوزيع وسام عبد المنعم، وتسجيل هيثم راضي، وماستر جلال الحمداوي، وتم تصوير الكليب في الساحل الشمالي.