الجمعة، 28 أغسطس 2020 - 09:57 م

طرحت "روتانا" للصوتيات والمرئيات الدويتو الغنائي الذي يجمع بين كل من المطرب تامر حسني ومحمود العسيلي ويحمل عنوان "اختراع"، عبر قناة الشركة بموقع الفيديوهات «يوتيوب».

وحرص المطرب رامي صبري على تهنئة تامر حسني والعسيلي على الكليب، عبر صفحته بـ"فيسبوك" قائلا: "مبروك لزمايلي النجوم تامر وعسيلي أغنية حلوة أوي أوي.. ودايما بتمني نعمل كلنا أغاني حلوة مع بعض عشان الجمهور المصري والعربي محتاج يشوفنا مع بعض بأفكار مختلفة.. ألف مليون مبرووك".

"اختراع".. من كلمات أحمد راؤول، وألحان أحمد زعيم وتوزيع وسام عبد المنعم، وتسجيل هيثم راضي، وماستر جلال الحمداوي.

وتعد أغنية «اختراع» هي إحدى أغنيات ألبوم تامر حسني الجديد الذي يحمل عنوان «خليك فولاذي»، وتقول كلمات الأغنية:

معروف انا من زمان
ولا واحدة بتملالي عينيا
جات هي حصل جنان
شكلي هيتعلم عليا
لا دي تعظيم سلام
حلوة جدااا مش عادية

ده الحب ملوش كبير
وانا ايه فاكر نفسي خبرة!
وبوقع ناس كتير
وبعدي من خرم ابره
قال ايه جامد خطير
خدت درس ميه ميه

طب هي ده اختراع 
قلبي راح غير مساره
دي جمالها يجيب صداع
كام برج من عقلي طاروا
ايوه ام عيون فظاع
دبت جوه القلب ناره
دبت جوه القلب ناره 

طب حَبه حَبه
قلبي شافها طب طبه
ده اللي كان مقفول بالضبة
وترباس ومفيش دخول
تأثير إلهي
شد عقلي وانتباهي
غيرت انا اتجاهي واتجنينت مش معقول

طب هي ده اختراع 
قلبي راح غير مساره
دي جمالها يجيب صداع
كام برج من عقلي طاروا
ايوه ام عيون فظاع
دبت جوه القلب ناره
ديت جوه القلب ناره 

طب هي ده اختراع