السبت، 29 أغسطس 2020 - 05:08 م

افتتح الرئيس عبدالفتاح السيسي، اليوم السبت، عددا من المشروعات القومية بنطاق محافظة الإسكندرية.

وتحدث الرئيس عن عدد من الملفات الشائعة والتي يأتي على رأسها مخالفات البناء، حيث أكد على خطورة هذا الملف بشكل يشبه خطر قضية سد النهضة، مشددا على أن الدولة لم تتخذ أي إجراء صارم تجاه هذا الملف بشكل مفاجئ، حيث تم الحديث عنه منذ 3 سنوات، كما تطرق الرئيس إلى القنوات المسيئة التي تعمل على تقليب الرأي العام من خلال قلب الحقائق، محذرا من الانزلاق وراء الشائعات التي لا ترضى الله سبحانه وتعالى.

«الأراضي الزراعية»

وأكد الرئيس عبدالفتاح السيسي، أن مخالفات البناء تحد خطير تواجهه الدولة المصرية، مضيفا: "صدقوني البناء غير المخطط خطير جدا مش عاوز أقول بنفس النسبة لموضوع سد النهضة.. واللي واضح لينا موضوع المية واللي مش واضح لينا هو التعدي على الأراضي الزراعية.. بدل ما تبني في الأرض الزراعية فيه ظهير صحراوي ، علشان ثقافة أولادنا يبقوا معانا ستدمر كثير من قدراتنا..هو فيه حد ماشي بعربيته نقول ادفع المخالفة وبيبقا مبسوط لا بيبقى زعلان".
 
وقال الرئيس السيسي: "الموضوع ده مش مسؤولية الحكومة والرئيس بس دى مسؤوليتنا كلنا إن إحنا نحافظ على بلدنا وننظم هذا الملف لأن ملايين بيتأثروا".

 
وواصل الرئيس: "الموضوع شائك وأي حد تاني يقول متدخلش في الكلام ده وسيب الإعلام يتكلم فيه، لا هتكلم في كل مصلحة ولن أبيع الوهم للناس تحت اعتبارات السياسية والحفاظ على الشعبية.. وعملنا كده في الاقتصاد وهو ده الرصيد اللي عدينا بيه.. أي عمل صالح حتى لو الناس مش راضية عنه أنا هعمله".

 وتابع الرئيس السيسى: "أنتوا مش عاوزين تساعدونى ليه ومٌصرين على مواقفكم بتحلموا ببلد كويسة ومنظمة ومترتبة وزي الفل، ولا كل واحد عاوز يعمل اللي هو عاوزه.. بنجيب مبنى يتزال في التليفزيون حد بيتكلم عن شكل أعمق وأكبر ومدى التأثير الخطير على مصر نتيجة هذا التجاوز، لكن مش بنهد مبنى وخلاص.. خاطب عقل الناس والناس من حقها تفهم أمنها ومستقبل أولادها".

«كلام لا يرضي ربنا»

وأكد الرئيس عبدالفتاح السيسي، أن محور المحمودية سيعطي حرية حركة بالإسكندرية ودائما سنجد من يشككون في المشروعات التي ننفذها، مضيفا: "فيه ناس بتتكلم بشكل سلبي عن الإجراء، كان فيه 30 مسجد وتعديات أخرى والقنوات المسيئة بتقول بيهدوا مساجد ربنا، والله لا يرضي ربنا سبحانه وتعالى.. بس هما ميعرفهوش.. ويقولوا بيهدوا جوامع ربنا، استغفر الله العظيم".

 وتابع الرئيس: "هناك حملات تشكيك في كل المشروعات التي تقوم بها الدولة، متابعا: "في كل مشروعاتنا اللي بنعملها هتجدوا تشكيك وتجدوا ناس بتتكلم بشكل سلبي على اللي إحنا بنعمله، ولكن الهدف من هذه المشاريع هي المصلحة للكل، والقنوات المسيئة اللي عاوزة دايما تكلمكم كلام لا يرضي ربنا".

وقال الرئيس السيسى: "يارب تبقوا زينا في إن انتوا تعملوا حساب ربنا.. أنتوا بتخربوا الشعوب وتدمروها وتدمروا الأمم وتضيعوها، جايين تتكلموا علينا لما بنبني ونعمر.. هو ده المنظر اللي كنا بنتعاير بيه ويقول شوف المصريين وشوف فقرهم وخيبتهم عاملة إزاي".

وتابع الرئيس: "إحنا بنفتتح وسعداء والبحيرة فيها 77 جامع مخالف على حرم الترعة، اللي عاوز يبني حاجة لربنا يسرق أرضه؟، دي سرقة وعلى الرغم من كده هنشيل وهنعمل مكانها".

ووجه الرئيس، محافظ البحيرة لعمل محاور على كل ضفة وإنشاء مساجد بديلة بنفس النمط، قائلا: "بشكرك وأنا معاك والدولة معاك نعمل 4 محاور على كل ضفة ونعمل المساجد بنفس النمط ومساكن لأهلنا اللي اتعدوا لكن إحنا بنحاسب نفسنا التجاوز اللي تم إحنا ندفع تمنه مش الناس". 
 
«التصالح في مخالفات البناء»

وأكد الرئيس عبدالفتاح السيسي، أن الدولة لم تتخذ إجراء حاد لمواجهة مخالفات البناء دون سابق إنذار، مضيفا: "مخدناش إجراء حاد في مخالفات البناء بدون إنذار إحنا قايلين الكلام ده من 3 سنين وادينا مهلة لنفسنا 6 شهور، وقلنا التصالح وكلام من هذا القبيل".

وأضاف الرئيس: "حجم الناتج اللي اتعمل خلال الفترة السابقة 10% أو أقل، وحصل تعدي خلال نفس الفترة أو يتجاوزهم".

«تأمين السلع الأساسية»

وأشاد الرئيس السيسي بجهد وزير التموين خلال السنوات الماضية، قائلا: "خلال الفترة الماضية لم يحدث أي نقص في أي سلع أساسية رغم تحدي أزمة كورونا.. كان طبيعي إن إحنا نتعرض لأزمة زي كده.. جهد وزارة التموين والدكتور علي مصيلحي خلال الفترة الماضية مفيش أي نقص في السلع الأساسية حصل أو اختناق أو شكل من تسعير غير دقيق أو تلاعب في الأسواق".

وافتتح الرئيس عبدالفتاح السيسي، عبر تقنية الفيديو كونفرانس مجمع صوامع مدينة برج العرب بالإسكندرية بطاقة 90 ألف طن.

 «نفس خطر سد النهضة»

وقال الرئيس عبدالفتاح السيسي، إن المواطنون متألمون من إجراءات الدولة لضبط مخالفات البناء، متابعا: "المواطنين كتير منهم متألم ومضايق من موضع إجراءات الدولة لضبط المخالفات البناء سواء الأراضي الزراعية أو دون ترخيص".

وأضاف الرئيس: "محدش بيتكلم في الموضوع ده كويس ، ملهومش دعوة بيه، علشان محدش يزعل، وأنا مش طبيعتي معاكم كده يا مصريين، إحنا قدامنا تحدي وطلعت قدامكم وقلت لكم التحدي ده خطير علينا والاستمرار عليه يدمر الدولة المصرية".

وواصل الرئيس: "كنتم بتتكلموا وخايفين من موضوع سد النهضة وصدقوني البناء غير المخطط والتعدي على الأراضي الزراعية خطير مش عاوز أقول بنفس نسبة سد النهضة، بس الناس مش شايفاه، والواضح لينا موضوع المياه، واللي مش واضح لينا الاستمرار في التعدي على الأراضي الزراعية والبناء غير المخطط ".

«الدين في الحدود الآمنة»

وتطرق الرئيس عبدالفتاح السيسي، لما يثار حول حجم الدين العام والخارجي، وقال إن الاقتراض بأرقام ميسرة إلى حد كبير لأن فيه كلام كتير يقال على الدين العام والخارجي، وبالتالي محتاجين إننا نوضح للناس إن إحنا منقدرش نتوقف عن ده مع الوضع في الاعتبار نقطة مهمة وهى إن قياسات الدين وإن كانت عالية ولكن جهدنا كدولة في ضبط هذا الدين وزيادة حجم النتاج القومي هيخليه داخل الحدود الآمنة.

وأضاف الرئيس: "انتبهوا لتأثيرات كورونا على الدنيا كلها ولو كانت الأمور مشيت طبقا للتخطيط حتى للدين.. موجها حديثه لوزير المالية الدكتور محمد معيط: "أتكلم في النقطة دي لأن فيه كلام يؤثر سلبا على فهم الناس.. إحنا يا نبني بلد يا نتوقف".

«الدولة والمواطن شركاء في المسؤولية»

وأكد الرئيس عبدالفتاح السيسي، أن مصر هي الدولة الوحيدة التي يتحدث وزرائها عن الافتتاحات على الهواء بهدف مشاركة الجهد المبذول والتكلفة والتحديات التي واجهت تلك المشاريع، مضيفا: "مفيش حد في العالم كله بيقعد يفتتح مشروعات ويتكلم ويسمح للوزراء إنهم يتكلموا على الهوا إلا إحنا في مصر تقريبا مفيش حد في العالم بيعمل كده إلا إحنا، والهدف مشاركة الجهد المبذول والتكلفة والتحديات".

وأشار الرئيس، إلى تكلفة صيانة معدات المشروعات، قائلا: "تشغيل المعدات وصيانتها 10% من الأرقام المسجلة، ولو محصلش ده ستراجع حجم الإنتاج وده صيانة للي اتعمل.. بشرح وبتكلم كتير علشان تكون عارفة حكايتنا.. الصيانة 17 مليار والتشغيل بكام في السنة؟ ، تشغيله بفلوس وصيانته بفلوس وألا يتراجع الإنتاج.

وأضاف الرئيس: "منبقاش عاوزين نعمل ده كله وتحملونا بأعباء وتعمل نمو غير مخطط للمشروع وترجع تقول إن المشروع مش قادر يشتغل، طبعا اللي بيتعمل فيها مش مترتب ومخطط.. لما نيجي نعمل تخطيط ويتنفذ طالما داخل الإطار يبقا مفيش مشكلة.. وهيصحل فقد للقدرة والأداء وبعدين نقول الدولة مٌقصرة معانا، قبل ما تطلب مني خدمة أنت كمان ساعدني في تنفيذ اللي إحنا بنقول عليه.. يبقى الموضوع طرفين الدولة والمواطن في تشارك المسؤولية.. مش هننجح إن إحنا نوصل ده طالما فيه تجاوز.. من فضلكم شوفتوا مصر في العشرينات وإسكندرية العشرينات وهتجدوا أن الفاصل كبير بس مش إيجابي.. يا ترى إيه اللي خلانا كده وإيه اللي حصل في الخمسين ستين سنة اللي فاتوا اللي خلانا متراجعين كده".

«الدولة مينفعش تغيب تاني»

وأكد الرئيس عبدالفتاح السيسي، أن الدولة أنفقت 350 مليار جنيها على محافظة القاهرة خلال الفترة الماضية، مضيفا: "صرفنا على محافظة القاهرة ما يقرب من 350 مليار جنيه، ولو صرفتهم في العاصمة الجديدة هتغطي جزء كبير جدا من المرافق بحجم نصف الأراضي.. وحجم المصروفات في الإسكندرية خلال 40 سنة والله لا يساوي إن إحنا كنا نعمل مدينة جديدة في سيدي كرير بعمق 10 كيلو كنا عملنا مدينة جديدة وحديثة".

وحذر الرئيس خلال افتتاح عدد من المشروعات التنموية بمدينة الإسكندرية، من غياب الدولة مرة أخرى قائلا: "غابت الدولة بس مينفعش الدولة تغيب تاني وإن غابت تاني وبالمناسبة أنتم كده بتأجلوا التطوير 100 سنة ولو غابت مصر تاني إحنا بنأجل 100 سنة ومقدرش أقبل كده .. الناس هتبقى مضايقة وزعلانة ميجراش حاجة.. ولو مش عاوزيني أبقى موجود هنا أنا معنديش مشكلة.. بس أنا لا يمكن أبقى موجود في مكان إلا والإصلاح قدام عنيا وامسك فيه وأخلصه بما يرضي الله سبحانه وتعالى.. والله غالب على أمره".

«الجامعات الأهلية»

ودعا الرئيس عبدالفتاح السيسي، أهالي الطلبة الذين التحقوا بكليات الجامعات الأهلية الجديدة إلى الاطمئنان، متابعا: "جبنا كل العلوم الجديدة علشان يبقوا جاهزين لسوق العمل"... بندرس حاجات كتير ملهاش سوق في مصر، طيب ناخد الجديد ومتقلقوش منهم وستجدوا هذا الكلام مفيد جدا".

وأضاف الرئيس: "حجم الطلبة المصريين اللى بيخرجوا بره مصر علشان يدرسوا .. فيه حجم معتبر من الأسر بتوفد أبنائها للخارج فيه جامعات معتبرة ومتقدمة جدا ونسجلها تقدير الجهد والدور والشهادة اللي تعطيه لأبنائها وفيه جامعات تاني لأ، من غير ما أذكر جامعات.. تكلفتها 35 ألف دولار سنويا وفيه حاجات أقل.. وفى الآخر بيخرج ومش ده المستهدف، الفكرة فكرة تعليمية إنه بدل ما يسافر ياخدها هنا".

ووجه الرئيس السيسي المسؤولين إلى ضرورة ربط التعليم بسوق العمل، مختتما: دوروا على ربط التعليم بسوق العمل وجامعتنا بتخرج مئات الآلاف ويمكن مش كلهم مربوطين بسوق العمل".

بدروه، أكد الدكتور خالد عبدالغفار وزير التعليم العالي أن عدد الطلبة المصريين الذين يدرسون بالخارج وصل إلى 20 ألف طالب، ينفقون 20 مليار جنيه سنويا بخلاف العملة الصعبة وهجرة العقول.