الإثنين، 31 أغسطس 2020 - 04:22 م

تواجدت أغنية "أبويا قالي زمان" وهي الدويتو الذي يجمع مصطفى حجاج ورضا البحراوي، ضمن قائمة أكثر الفيديوهات طلبا على موقع "يوتيوب"، حيث جاءت في المركز السادس محققة 587,181 مشاهدة، منذ أن تم طرحها 29 أغسطس الجاري.

"أبويا قالب زمان".. من كلمات أحمد سامى وألحان عزيز الشافعي وتوزيع إسلام شيبسي والفيديو كليب إخراج محمد عبد ‏الجواد والهندسة الصوتية والرؤية الفنية والدرامية لهانى محروس، وتم تصوير الكليب ‏بمنطقة روض الفرج بوسط القاهرة.

وتقول كلمات الأغنية:

أبويا قالي زمان يابني أنا بحذرك 
خليك برئ وإياك الدنيا دي تغيرك  
وابعد عن اللي يعطلك في السكة ويأخرك
وإياك تفوتك الأصول هي اللى هتكبرك 
وأوزن كلامك عشان لو حرف منك غلط يا تبقي ملزم بيه يا تقل من منظرك 
قالي أوعي يدخل في جيبك لو قرش واحد حرام ، وإياك يقولوا ان عيبك أنك قليل الإحترام
سيب اللي بيجيب في سيرتك ويقول في ضهرك كلام ،الكل هيرد غيبتك لو أنت صح وتمام 
ولو في يوم شر مسك خليك رجولة وتمسك بالصبر وأستفتي قلبك ، سلم أمورك لربك
 ولو في يوم شر مسك خليك رجولة وتمسك بالصبر وأستفتي قلبك ، سلم أمورك لربك، سلم أمورك لربك 

أبويا قالي زمان يابني أنا بفهمك الدنيا دي مدرسة وياما هتعلمك 
دي ياما ظلمت ناس يا رب ما تظلمك
وإياك تفوتك الأصول هي اللي هتكبرك 
وأوزن كلامك عشان لو حرف منك غلط يا تبقي ملزم بيه يا تقل من منظرك
قال خلي قلبك دليلك ونقي صاحب نضيف في الشدة تلاقيه يشيلك يقسم معاك الرغيف  
ومهما كان أوعي تنسي إن أنت في الدنيا ضيف 
عشان كده أرضي بقليلك لو حتي هتنام خفيف 
ولو في يوم شر مسك خليك رجولة وتمسك بالصبر وأستفتي قلبك ، سلم أمورك لربك
ولو في يوم شر مسك، ولو في يوم، لو في يوم ،لو في يوم، ولو في يوم ، لو في يوم ولو في يوم شر مسك خليك رجولة وتمسك بالصبر وأستفتي قلبك ، سلم أمورك لربك، سلم أمورك لربك
ولو في يوم شر مسك خليك ، يا هاني يا محروس ، عزيز يا شافعي