السبت، 03 أكتوبر 2020 - 08:36 ص

تصدر الفنان سليمان عيد، اليوم السبت 3 أكتوبر، ترند محرك البحث العالمي «جوجل»، وذلك بعد أن روى الفنان أحمد السقا عن موقف إنقاذه من الغرق في الإسكندرية.

حيث روى السقا خلال لقاءه مع الإعلامية منى الشاذلي على قناة cbc، موقفا جمعه بالفنان سليمان عيد، حينما قررا السفر إلى الإسكندرية وكان معهم الفنان محمود عبد المغني.

وقال السقا: «سافرنا ووصلنا الفندق بالمنتزه الساعة 9 صباحا، فقرروا هما الاتنين إننا نروح البحر في أبو قير، ولما وصلنا طلب سليمان إنه ينزل عشان يعوم، وقال بص أحسن علاج لعضلة القلب هو العوم، هو أصلا قعد 7 سنين فاكر إنه عنده القلب وفي الأخر طلع معندوش حاجة.. وكان محمود قاعد جنبي وهو مبيعرفش يعوم».

وتابع.. «المهم نزل سليمان وشوية وغطس مطلعش.. محمود قالي ده بيموت، جيت انط عشان ألحقه.. لقيت عبد المغني ماسكني من رجلي ويقول متسيبنيش يا أستاذ مبعرفش أعوم يا أحمد، وأنا عايز أنط أنقذ اللي غطس ومطلعش ده.. قولتله اوعى ونتشت رجلي ورحت ناطط، فضلت ادور مش لاقيه لحد ما لاقيته متعلق في النص.. شديته وطلعته وعملناله الإسعافات الأولية على طول»