الأحد، 01 نوفمبر 2020 - 10:04 م

.علقت الإعلامية لميس الحديدي، على تطورات التحقيقات في حادثة طفل المعادي الذي قاد سيارة وصدم أحد أفراد الشرطة

وقالت الحديدي في برنامجها "كلمة أخيرة" الذي تقدمه على قناة "ON"، مساء اليوم الأحد: "النيابة حققت وكشفت أن أبو الولد طلع بايع العربية لحد من أصدقائه.. ويبدو أن الولد عارف الشخص اللي إشترى العربية وأنا مش عاوزة أقول سرق، عاوزة أكون حريصة في الكلام، هو أخد مفاتيح صاحب العربية من خلال ابنه ونزلوا في شوارع المعادي".

اقرا يضا .. النيابة تكشف التفاصيل الكاملة في واقعة «طفل المرور»

أضافت الإعلامية: "وظهر فيديو النهاردة تاني النهاردة بيستهزيء بشرطي أخر بيقله أنت واقف كده ليه بشكل فيه سطوة، وقرار النيابة بضرورة تقويم الطفل ومش عاوزة أقول علاجه لأنهم اكتشفوا أنه مدلل جدًا حيث قامت بتسليمه إلى أهله ويجب تقويمه، وأنا هنا عاوزة أتكلم عن السلوك مرة أخرى، إمبارح أنا قلت على الولد إنه عيل ناقص رباية والحقيقة إن هذه المشكلة  يجب أن يدفع ثمنها والدا الطفل اباه وأمه لأنه مش عارف الفرق بين الكبير والصغير".

تابعت الحديدي: "حالة السلطوية اللي بيتكلم فيها في الفيديو واضح إنها موجودة في البيت أصلًا، الولد سرق العربية أولًا ثم تحدث مع ضابط الشرطة بسلطوية غير معهودة، وأنا أظن أن الأب والأم محتاجين يقفوا مع أنفسهم وقفة لأن الولد لو لم يُقوم سلوكه هيكبر وهيبقى أسوأ من كده، ده إنتوا هتشوفوا البدع شكل تاني".