الأحد، 15 نوفمبر 2020 - 10:24 م

كشفت الإعلامية لميس الحديدى، تفاصيل مكالمة الفنانة عبلة كامل يوم الأربعاء الماضى، قائلة: "يوم الأربعاء الماضي جائني اتصال من  الفنانة عبلة كامل، ورديت عليها بسرعة  لأنها اول مرة تتكلم فيها، عندي أصدقاء كتير فى هذا الوسط لكنها أول مرة عبلة كامل تكلمني".

اقرا ايضا .. فيديو | بعد شائعة مرضها.. رسائل الشارع المصري لـ«عبلة كامل»

وأضافت "لميس الحديدى " خلالبرنامج "كلمة أخيرة"، على فضائية "ON": "كلمتنى مدة 45 دقيقة، فيه حاجات أقدر أحكيها وحاجات لا بناء على طلبها، مردفة: "قالت: أنا سليمة ومش تعبانة خالص، وقالتلى أنا فرحانة جدا بحُب الناس اللى أنا شوفته، وساعات مببقاش مصدقة أن الناس بتحبنى كده وعمرى ما كنت أتصور إنى محبوبة من الجمهور".

وعن سبب عدم ظهور الفنانة عبلة كامل قالت لميس الحديدى: "قالتلي أنا بحب أمثل بس، وأنا مبعرفش أعمل عبلة أعرف أمثل بس"، وعلقت الحديدى قائلة: "جملة واضحة ومهمة، هي ممثلة على الشاشة لكن في الحقيقة هي إنسانة وأم عادية جدا، بتبذل مجهود رهيب في شغلها ولكن مش قادرة تبذل كل المجهود دا عشان تظهر وتتصور".

وعن أنباء اعتزالها: أشارت "الحديدى" :" أنا بحب التمثيل جدا ولو جالي دور حلو أكيد هشتغل، وأنها شوفت مسلسلات رمضان اللي فات فيها حاجات كتيرة ومتنوعة ومفيهاش دور يناسبها مفيهاش دور يستفزني وأنا مستنية دور حلو.. دي رسالة لكل المنتجين ولكل الكتاب: عبلة كانت مستنية دور حلو".

وعن شائعة مرضها: " مش زعلانة ومسامحة كل الناس وأقول للي كتب الخبر شكرا إنك وريتني حب الناس.. متشكرة لكل من بعتلي كلمة حب ونفسه يشوفني على الشاشة، ومتشكرة للى كتب الخبر أنه وارنى حب الناس اللى يمكن مكنتش أشوفه".