الأحد، 15 نوفمبر 2020 - 10:27 م

علقت الإعلامية لميس الحديدي على الفيديو  المتداول عبر منصات التواصل الاجتماعي الذي يظهر  حادث سيارة تقتحم كافيه بمدينة الزقازيق والجدل المثار عن  شخصية قائدة المركبة وكونها إمرأة.

وقالت "الحديدي": "حادثة عربية حصلت في الزقازيق بتظهر سيارة تقتحم كافيه وكل حديث السوشيال ميديا إن القائد  واحدة ست، طبعاً إحنا مش شايفين ومش باين إنها ست".

اقرا ايضا .. «القباج»:إطلاق منصة «مودة» لتأهيل المقبلين على الزواج

أضافت عبر برنامجها " كلمة أخيرة " المذاع على شاشة " ON"  قائلة "التريقة بقى شغالة على سواقة الست.. إزاي سايقة؟ طبيعي تدخل في الكافية لانها ست ؟".

واضافت الحديدي  مازحة " رغم إن موضوع غريب جداً أن العربية نزلت السلالم ودخلت الكافيه لكن ياترى حتى لو هي واحدة ست إيه السبب؟  إما إن جوزها منكد عليها أو بيتخانق معها صبح وظهر وليل؟ أو العيال مجنينها وشدت شعرها ولانها عملت مدرسة أونلاين وبتذاكرلهم في البيت؟

 أتمت قائلة "ياجماعة قدروا  مع  إننا مش عارفين هي ست  ولا لا، لكن لو طلعت ست فالسبب الوحيد وراء الحادثة إن فيه راجل منكد عليها عيشتها".