تعرف على سند «إيمي» بعد «طلعت زكريا».. صور

أيمي طلعت ابنه النجم الرحل طلعت زكريا

الخميس، 19 نوفمبر 2020 - 08:28 م

نشرت إيمي طلعت ابنة النجم الراحل طلعت زكريا، على موقع الصور والفيديوهات الشهير "انستجرام" صور تجمع بينها وبين أخوها للتهنئة بيوم عيد ميلاده وتعبر له عن حبها له وهو السند بعد والدها طلعت.

وعلقت قائلة: "كل سنة وأنت كل حاجة في حياتي قلبي وروحي وعمري العمر كله ليك وتفضل ضهرى وأخويا وحبيبي".

من جانب آخر كشفت الفنانة إيمي طلعت زكريا عن كواليس لقاء والدها الراحل بالرئيس الأسبق محمد حسني مبارك ونشرت صورة من اللقاء عبر حسابها على إنستجرام.

وكتبت: "رد الجميل.. كان بابا بيحكيلى عن مقابلته للرئيس لأول مرة وكان راجع فرحان أوى بصرف النظر عن أنه وقف جنبه ورجعه مصر بعد رحلة علاج طويلة في باريس.. وبعد رجوع بابا من فرنسا وتماثله للشفاء كلمه الرئيس في التليفون وقاله نفسك في إيه ياطلعت ️قاله إنى أشوفك ياريس".

وأضافت: "وفعلا بعد عام من المكالمة دى كلمه مكتب الرئاسة وقاله فى ميعاد مع الرئيس غدًا وافتكر اليوم ده كويس بابا منامش لغاية ميعاد المقابلة وأول الريس لما شاف بابا قاله إنت جاى تقابل رئيس جمهورية ياطلعت مش لابس بدلة ليه جاى بقميص وبنطلون وضحك معاه قاله من كتر التوتر ياريس معرفتش بلبس إيه".

وتابعت: "قد إيه كان راجل جميل ربنا يرحمك ياريس إنت وبابا وكل أمواتنا لغاية الآن إحنا على تواصل مع علاء مبارك ودايما بيسأل علينا".