الخميس، 19 نوفمبر 2020 - 11:37 م

علق أحمد فتحى لاعب الأهلى السابق وبيراميدز الحالي، على قصة شارة كابتن منتخب مصر، قائلا: "الموضوع أخذ أكبر من حقه، ومحمد صلاح أخويا الصغير ومفيش مشكلة بيننا".

 وقال فتحي في تصريحات للإعلامية منى الشاذلي في برنامج "معكم" على قناة cbc: "في حد كلمنى مش هذكر اسمه قالي إحنا عاوزين ندي الشارة لمحمد صلاح وأنت هتكون موجود، قلتله لأ طبعا وأنت عاوز تعمل مشكلة ليه؟، وليه بتصدرلي مشكلة؟، فقلت له لو أحمد حسن أو أبو تريكة مكاني كنت هتقدر تقوله كده؟، قالي لأ، قلتله خلاص متكلمنيش في الموضوع تاني، وللعلم محمد صلاح لم يطلب شارة الكابتن ولم يتحدث مع أي مسؤول بالمنتخب في هذا الأمر".
 
وعن إصابة صلاح بفيروس كورونا، قال: "سألت زملائى عن محمد صلاح واطمأنت عليه من عبد الله السعيد وحمدى فتحى، وقالوا أنه كويس جدا ولم تظهر عليه أعراض والموضوع ده أقدار".