الأربعاء، 25 نوفمبر 2020 - 06:57 م

وصل الشتا من السفر ومعاه زحاليق المطر ولسه جاى أمشير
والناس لا هى ناقصة شقا ولا خطر ولا زحلقه ولا مطر ولا أعاصير
وأبوالوفا جعان دفا البرد لحّاس القفا والبلغة دابت من المشاوير
ويعمل ايه اللى انضني تلاتين سنه ضهره اتحنى م الكرونه والتفكير
والبرد جاى يلسوعوا وبرد طوبه يوقعوا مش لاقى حد يسمعوا
ويلاقيها من برد الشتا واللاّ من الكحه والزكام والوقفه فى الطوابير