الجمعة، 27 نوفمبر 2020 - 03:02 م

طالب النجم تامر حسني جمهور قطبي الكرة المصرية "الأهلي والزمالك" بضرورة التخلي عن التعصب الكروي والتحلي بالروح الرياضية من خلال بوست كتبه عبر حسابة الرسمي علي الفيس بوك.

وقال تامر: "رأيي الشخصي المُتواضع ..... مهما اتكلمنا كلنا في الروح الرياضيه الجميله في كرة القدم مش هيكون كلامنا مؤثر زي أصحاب الرياضه نفسها، يعني لو صداقتهم الطيبه تبان في العلن من خلال بوستات فيها سلام بين اللاعبين هتخليهم ينقلوا الروح السلميه دي للناس و لكُل الجماهير، و لو أثناء المباراه حد خبط حد يعتذرله و يطّمن عليه، الناس فوراً هتفرح بالروح دي و الروح دي هتنتقل للبيوت و للجماهير و مش هيكون في أي نزاعات". 

مضيفاً :"ولو المباراه خلصت و كل لاعب جري حضن لاعب من الفريق التاني فعلاً هيخلوا الناس في البيوت و كل مكان في نفس حالة السلم اللي هيصدروها، حتى لو إدارة كل نادي ألزمت كل فريق بالروح دي إجباري لإن ولادنا يستاهلوا إنهم مايكرهوش بعض ولا يتخانقوا بسبب رياضه المفروض إنها بتجمع الناس، مش منطقي برضو كل ماتش الناس تحس  إن في حرب هتحصل!! و بين مين  !! أهم و أعرق الأنديه المصريه اللي مشرفينا في كل الدنيا".  

وأرف:"يارب كل الخير ليهم و لأولادنا و للجماهير العظيمه المخلص ، زمالك أو أهلي  يعني مصر و الدنيا كلها بتتفرج النهارده على أولاد مصر  و بعون الله هنرفع راس مصر لإن النتيجه أياً كانت فهي مصريه".

وتترقب جماهير الكرة المصرية والعربية مباراة القمة الأفريقية بين قطبي الكرة المصرية النادي الأهلي ونادي الزمالك في نهائي بطولة دوري أبطال أفريقيا، والتي ستقام في التاسعة مساء اليوم الجمعة 27 نوفمبر على ستاد القاهرة الدولي، وذلك لمعرفة من الفائز بمباراة الأميرة الأفريقية 2020.

هذا النهائي القاري هو الأول في تاريخ البطولة الذي سيجمع بين الأهلي والزمالك في تاريخهما ببطولة دوري أبطال إفريقيا وكذلك أول نهائي بين فريقين من دولة واحدة في القارة السمراء، وقد أكد الاتحاد الدولي لكرة القدم «فيفا» إقامة بطولة كأس العالم للأندية العام المقبل رغم جائحة كورونا مما يزيد من أهمية اللقاء حيث سيتأهل بطل مباراة الأميرة الأفريقية 2020 للمشاركة في المونديال.