الخميس، 03 ديسمبر 2020 - 11:39 ص

أعربت النجمة شريهان عن سعادتها الكبيرة بتكريم النجمة منى زكى والسيناريست الكبير وحيد حامد فى مهرجان القاهرة السينمائى الدولى بدورته الـ42.

وقالت عبر حسابها بـ«تويتر»: «قلبى فرحان وفخور بتكريم منى زكى ووحيد حامد فى الدورة الـ 42 لمهرجان القاهرة السينمائي الدولى تستحقوا 1000 تكريم وتكريم».

وقالت النجمة منى زكى بعد توجيه الشكر للقائمين على مهرجان القاهرة السينمائي في دورته الـ 42 الذي يقام اليوم في دار الأوبرا المصرية: «شرف كبير أوى أوى إنى اتكرم النهاردة في أهم مهرجان في بلدي، النهاردة واقفة على المسرح وبشكركم أوي، وتكريمى باسم سيدة الشاشة العربية ده حاجة كبيرة بالنسبالي، تشرفت إنى كلمتها قبل كدة في التليفون وعمري ماسمعت صوت بالرقي ده، والحلاوة دي، وكمان تكريمي في الدورة الي فيها وحيد حامد، دا شرف مش عادى».

من جانبه، قال وحيد حامد: «أشكر حضراتكم جدًا، علشان أنتوا من عشاق السينما، إلى أنا حبيتها بقدر كبير جدًا من الإخلاص والتفاني، وأعتقد إن أنا ممكن تفتكروني أفلام أسعدتكم بقدر ما، أنا بشكر كل الذين تعلمت منهم، وكل واحد اتعلمت منه أو علمني، هما كتير علشان المشوار طويل، وكان من الصعب جدًا، إن أنا أقف في مكاني ده لولا حبكم، ولولا دعمكم، ولولا حبكم للسينما وللمخلصين للسينما».