الجمعة، 01 يناير 2021 - 01:14 ص

أكدت النجمة الهام شاهين، أن معركتها مع تنظيم الإخوان بدأت في عهد الرئيس المعزول محمد مرسى وأنها انتصرت عليهم بفضل الله، قائلة: "مفيش على رأسى بطحة وانتصرت على الإخوان انتصار من عند ربنا، وسجنت الراجل اللى كان بيشتمنا كلنا وكان بيشتم كل الفنانين والمبدعين".

وأشارت الفنانة إلهام شاهين، في لقاءها ببرنامج "حديث القاهرة" على قناة القاهرة والناس، إلى أن القضاء المصري نصرها في قضيتها ضد الإخوان خلال حكم الرئيس المعزول محمد مرسى، متابعة: "كان عندي حكم تاريخي بغلق قناة الحافظ لمدة ست شهور".

وتابعت: "بدخل معارك محسوبة لأنى بعمل ده من قلبي وعلى اقتناع شديد وايوه مستعدة اموت في سبيل القضية بتاعتي، وانا قلت الإخوان مش هيكملوا سنة في الحكم وكانوا لسه في أول أسبوع لهم وربنا اللى بيلهمني".