الثلاثاء، 26 يناير 2021 - 05:50 م

تداول عدد من رواد مواقع التواصل الاجتماعي مقطع فيديو للقاء التلفزيوني الأخير للنجمة الراحلة سعاد حسني والذي جمعها بالاعلامية سلمى الشماع.

وقالت سعاد حسني من خلاله ردًا على اسباب غيابها: "مش غايبة ولا حاجة، أنا كنت تعبانة شوية، وكنت متضايقة وكنت غضبانة، غضبانة جدا غضب شديد أوي أوي".

وأضافت :" غضبانة من بعض الأفكار الصغيرة، اللي بتضيع أشياء كويسة وكبيرة في الفن، يمكن هي حاجة متستهلش لكن في نظري تستاهل، بعض الأشياء البسيطة المتعارف عليها تكون مهياش واضحة وتسبب في انكماش في الأعمال الفنية، هي دي الحاجة اللي كانت مضايقاني وزعلتني بشكل مش معقول، وبعدين خلاص بقى مبقتش زعلانة، زعلت شوية والحمد لله بقالي فترة مش زعلانة ونسيت".

وكشفت سعاد حسني عما كانت تفعله فترة غيابها مؤكدة أنها كانت تستغل هذه الفترة للقراءة وسماع الموسيقى والذهاب لطبيبها كلما شعرت بالحزن.