السبت، 30 يناير 2021 - 10:10 ص

قال الإعلامي محمد الشاذلي إنه ليس من الضرورة أن تعتمد البيوت المصرية على المشاركة بين الزوجين في اتخاذ القرارات، ففي بعض الأحيان يحب الرجل أن يكون صاحب القرار، وطرح سؤال حلقة اليوم من برنامج «صباح الخير يا مصر»، وهو «كلمة مين اللي بتمشي في البيت؟».

اقرا ايضا .. أرقام صادمة.. كيف كان الملك فاروق يوزع مرتبات الأمراء؟

وأضاف «الشاذلي» خلال تقديم حلقة اليوم من برنامج «صباح الخير يا مصر»، الذي يعرض عبر القناة الأولى، الفضائية المصرية، وon ، مع الإعلامية هدير أبو زيد والإعلامية منة الشرقاوي : «هناك بعض الرجال الذين يحبون أن يسمعوا رأي الزوجة لكنهم يصرون على تنفيذ قراراتهم، في ناس لسه عايشة بمنطق «سي السيد»، لكن في بيوت فيها «حنفي» اللي كلمتها مش بتنزل الأرض أبدًا، و90% من البيوت بهذا الشكل».

وأوضحت الإعلامية هدير أبو زيد : «مبدئيًا البيوت كلها ماشية بستر ربنا وخلينا كويسين مع بعض الدنيا هتعدي، نتشارك في كل حاجة، حتى الأطفال لازم يكون لهم رأي، لا سي السيد ينفع ولا حنفي ينفع، الدنيا مرة عليك ومرة عليّ».

ورد عليها الإعلامي محمد الشاذلي : «معروف عننا كمجتمع شرقي إن كلمة الست بتمشي في الآخر، وفي فرق بين ست بيت بتعرف تمشي كلمتها بذكاء وشياكة»، لترد عليه الإعلامية هدير أبو زيد ممازحة : «تحبو انتو يتضحك عليكم».

وأكمل «الشاذلي» : «نكون واقعيين، ده اللي بيحصل وده اللي بيبسط كل الرجالة، بيبقى متخيل إنه واخد القرار ومنتشي، وده بيبقى قرارها في الأول وفي الآخر».

أما الإعلامية منة الشرقاوي، فقالت : «هناك سلطة تنفيذية وسلطة تشريعية، وكل واحد عارف كويس جدا من يضع الخطط ومن ينفذها، وبستغرب جدًا من الناس اللي بتقول كلمة مين هتمشي، لأن محدش مستحمل فرهدة ونقاش ودخول في تفاصيل واللي يقدر يعمل حاجة يعملها على طول».